Enable Javscript for better performance
Dhawan, Bhuvneshwar Kumar released, rookie all-rounder Vijay Shankar in- Dinamani

சுடச்சுட

    

    டெஸ்ட் தொடர்: புவனேஸ்வர் குமாருக்குப் பதிலாக தமிழக ஆல்ரவுண்டர் விஜய் சங்கர் தேர்வு!

    By எழில்  |   Published on : 21st November 2017 10:39 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    vijay_shankar1

     

    இலங்கைக்கு எதிரான கடைசி இரு டெஸ்டுகளுக்கு வேகப்பந்துவீச்சாளர் புவனேஸ்வர் குமாருக்குப் பதிலாக தமிழக ஆல்ரவுண்டர் விஜய் சங்கர் தேர்வாகியுள்ளார்.

    திருமணம் நடைபெறவுள்ளதால் கடைசி இரு டெஸ்டுகளிலிருந்து புவனேஸ்வர் குமார் விலகியுள்ளார். அதேபோல தனிப்பட்டக் காரணங்களுக்காக 2-வது டெஸ்டில் இருந்து மட்டும் ஷிகர் தவன் விலகியுள்ளார். 3-வது டெஸ்டின்போது தவன் இந்திய அணியுடன் இணைந்துகொள்வார் என்று அறிவிக்கப்பட்டுள்ளது.

    இதையடுத்து டெஸ்ட் தொடரின் கடைசி இரு டெஸ்டுகளுக்கு புவனேஸ்வர் குமாருக்குப் பதிலாக தமிழக ஆல்ரவுண்டர் விஜய் சங்கர் இந்திய அணிக்குத் தேர்வாகியுள்ளார்.

    தமிழ்நாட்டு ஒருநாள் அணியின் கேப்டனாக உள்ள விஜய் சங்கர், 32 முதல்தரப் போட்டிகளில் 1671 ரன்களும் 27 விக்கெட்டுகளும் எடுத்துள்ளார். சமீபகாலமாக இந்திய ஏ அணியில் இடம்பெற்ற விஜய் சங்கர், தற்போது இந்திய அணிக்குத் தேர்வாகியுள்ளார்.

    ஷிகர் தவனுக்குப் பதிலாக மற்றொரு தமிழக வீரர் அபினவ் முகுந்த் தேர்வாகியிருப்பார். ஆனால் தவன் மூன்றாவது டெஸ்டில் மீண்டும் விளையாட வருவதாகக் கூறியுள்ளதால் ஒரு டெஸ்டுக்கு மட்டும் மாற்று வீரர் தேவையில்லை என்று பிசிசிஐ கருதியுள்ளது. மேலும் ரஞ்சி போட்டிகள் நடைபெறுவதாலும் முகுந்தைத் தேர்வு செய்யவில்லை. இதையடுத்து வெள்ளி முதல் நாகபுரியில் தொடங்கவுள்ள இரண்டாவது டெஸ்டில் தவனுக்குப் பதிலாக முரளி விஜய் களமிறங்கவுள்ளார். புவனேஸ்வர் குமாருக்குப் பதிலாக ரஞ்சி போட்டியில் சிறப்பாகப் பந்துவீசி வரும் இஷாந்த் சர்மா தேர்வு செய்யப்படுவார் என எதிர்பார்க்கப்படுகிறது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai