ஆர்ஜென்டீனாவில் நடைபெறும் யூத் ஒலிம்பிக் போட்டி தடகளம் மும்முறை தாண்டுதலில் தமிழகத்தைச் சேர்ந்த சித்திரைவேல் வெண்கலம் வென்றார். செவ்வாய்க்கிழமை இரவு நடைபெற்ற மும்முறை தாண்டுதல் இரண்டாம் கட்ட போட்டியில் பிரவீண் சித்திரைவேல் 15.84 மீ தூரம் தாண்டி வெண்கலம் வென்றார். கியூபா தங்கமும், நைஜீரியா வெள்ளியும் வென்றன.
பிரவீண் சித்திரைவேல் வெண்கலம் வென்றதற்கு நடிகர் கமல் ஹாசன் பாராட்டு தெரிவித்துள்ளார். ட்விட்டரில் அவர் கூறியதாவது:
மும்முறை தாண்டும் ஒலிம்பிக் பதக்கம் வென்ற தஞ்சையைச் சேர்ந்த திரு.பிரவீன் சித்ரவேலிற்கு பாராட்டுக்கள். தமிழனென்று சொல்லடா தலை நிமிர்ந்து நில்லடா என்று கூறியுள்ளார்.