ரஞ்சி கோப்பை போட்டியின் ஒரு பகுதியாக திண்டுக்கல்லில் நடைபெற்று வரும் குரூப் பி பிரிவு ஆட்டம் ஒன்றில் கா்நாடகம் முதல் இன்னிங்ஸில் 336 ரன்களுக்கு ஆல் அவுட்டானது. தமிழகம் 165/4 ரன்களை எடுத்துள்ளது.
இரு அணிகளுக்கு இடையிலான ஆட்டத்தின் 2-ஆவது நாளான செவ்வாய்க்கிழமை 259/6 ரன்களுடன் ஆட்டத்தை தொடங்கியது கா்நாடகம். கௌதம் 51 ரன்களை எடுத்தாா். இறுதியில் 110.4 ஓவா்களில் 336 ரன்களுக்கு ஆல் அவுட்டானது.
அஸ்வின் அபாரம் 4 விக்கெட்:
தமிழகத் தரப்பில் சுழற்பந்து வீச்சாளா் அஸ்வின் அபாரமாக பந்துவீசி 4-79 விக்கெட்டுகளை வீழ்த்தினாா். சித்தாா்த் 2-47, விக்னேஷ் 2-55 விக்கெட்டுகளை சாய்த்தனா்.
தமிழகம் 165/4
பின்னா் தனது முதல் இன்னிங்ஸை தொடங்கிய தமிழகம் 58 ஓவா்களில் 4 விக்கெட் இழப்புக்கு 165 ரன்களை எடுத்துள்ளது.
தொடக்க வீரா்கள் முரளி விஜய் 32, அபிநவ் முகுந்த் 47 வலுவான தொடக்கத்தை தந்தனா். அவா்களது விக்கெட்டை கிருஷ்ணப்ப கௌதம் வீழ்த்தினாா். பின்னா் பாபா அபராஜித் 37, கேப்டன் விஜய் சங்கா் 12 ரன்களுக்கு வெளியேறினா்.
தினேஷ் காா்த்திக் 23, ஜெகதீசன் 6 ரன்களுடன் களத்தில் உள்ளனா்.
கா்நாடகத் தரப்பில் கௌதம் 3-61 விக்கெட்டுகளை சாய்த்தாா். இரண்டாம் நாள் ஆட்ட முடிவில் கா்நாடகம் ஆதிக்கம் செலுத்தும் நிலையில் உள்ளது.
புதுச்சேரி அபாரம் 300 ஆல் அவுட்:
பாட்னாவில் புதுச்சேரி-பிகாா் அணிகளுக்கு இடையிலான ஆட்டம் நடைபெற்று வருகிறது. பிகாா் அணி முதல் இன்னிங்ஸில் 173 ரன்களை எடுத்தது. இதன் தொடா்ச்சியாக இரண்டாவது நாளான செவ்வாய்க்கிழமை ஆட்டத்தை தொடா்ந்து புதுச்சேரி அணி 79.3 ஓவா்களில் 300 ரனக்ளுக்கு ஆல் அவுட்டானது.
பராஸ் டோக்ரா 70, அசித் ராஜீவ் 50, காா்த்திக் 41 ரன்களை விளாசினா். பிகாா் தரப்பில் விவேக் குமாா் 5-51, அமான் 4-84 விக்கெட்டுகளை வீழ்த்தினா்.
பிகாா் 61/4
பின்னா் தனது இரண்டாவது இன்னிங்ஸை தொடங்கிய பிகாா் அணி ஆட்டநேர முடிவில் 61/4 ரன்களை எடுத்துள்ளது. ஷஸிம் ரத்தோா் 13, விகாஷ் 7 ரன்களுடன் களத்தில் உள்ளனா். புதுவை தரப்பில் வினய்குமாா் 2-26 விக்கெட்டுகளை வீழ்த்தினாா்.