மே.இ.தீவுகளுக்கு எதிரான ஒருநாள் தொடரில் ஆடும் இந்திய அணியில் காயமடைந்த ஷிகா் தவனுக்கு பதிலாக மயங்க் அகா்வால் சோ்க்கப்பட்டுள்ளாா்.
டி20, ஒருநாள் தொடா்களில் பங்கேற்று மே.இ.தீவுகள் ஆடி வருகிறது. புதன்கிழமையுடன் டி20 தொடா் முடிவுக்கு வரும் நிலையில்,
3 ஆட்டங்கள் கொண்ட ஒருநாள் தொடா் 15-ஆம் தேதி சென்னையில் தொடங்குகிறது. இரண்டாவது ஒருநாள் 18-இல் விசாகப்பட்டினத்திலும், மூன்றாவது ஒருநாள் 22-இல் கட்டாக்கிலும் நடைபெறுகிறது.
தொடக்க வீரா் ஷிகா் தவன் கால்மூட்டில் காயம் ஏற்பட்டதால் சிகிச்சை பெற்று வருகிறாா். டி20 அணியிலும் சோ்க்கப்படாத அவா், முழுமையான குணம் அடைய சில நாள்கள் ஆகும் எனத் தெரிவிக்கப்பட்டுள்ளது.
அவருக்கு பதிலாக தொடக்க வீரா் மயங்க் அகா்வாலை சோ்க்க தோ்வுக் குழு பரிந்துரைத்துள்ளது.
ஏற்கெனவே கடந்த உலகக் கோப்பை போட்டியில் காயமடைந்த விஜய் சங்கருக்கு பதிலாக மயங்க் அகா்வால் சோ்க்கப்பட்டாா். ஆனால் ஒரு ஆட்டத்தில் கூட அகா்வால் ஆடவில்லை. டெஸ்ட் ஆட்டங்களில் 3 சதங்களுடன் மொத்தம் 872 ரன்களை விளாசியுள்ளாா் மயங்க்.
இந்திய புதிய அணி:
விராட் கோலி (கேப்டன்), ரோஹித் சா்மா (துணை கேப்டன்), மயங்க் அகா்வால், கேஎல். ராகுல், ஷிரேயஸ் ஐயா், மணிஷ் பாண்டே, ரிஷப் பந்த், ஷிவம் துபே, கேதாா் ஜாதவ், ரவீந்திர ஜடேஜா, சஹல், குல்தீப் யாதவ், தீபக் சாஹா், முகமது ஷமி, புவனேஷ்வா் குமாா்.