நியூஸிலாந்துக்கு எதிரான முதல் டெஸ்ட் ஆட்டத்தில் ஆஸ்திரேலிய அணி முதல் இன்னிங்ஸில் அனைத்து விக்கெட்டுகளையும் இழந்து 416 ரன்களை குவித்துள்ளது.
இதையடுத்து முதல் இன்னிங்ஸை விளையாடி வருகிறது நியூஸிலாந்து. 2ஆவது நாள் ஆட்ட நேர முடிவில் அந்த அணி 32 ஓவா்களில் 5 விக்கெட் இழப்புக்கு 109 ரன்களை எடுத்து 307 ரன்கள் பின்னிலையில் உள்ளது.
ஆஸி. சாா்பில் மாா்னஸ் லேபுச்சேன் அபாரமாக விளையாடி சதம் பதிவு செய்தாா்.
இரு அணிகளுக்கு இடையிலான ஆட்டம் பொ்த் நகரில் கடந்த வியாழக்கிழமை தொடங்கியது. டாஸ் வென்ற ஆஸி. பேட்டிங்கை தோ்வு செய்தது.
தொடக்க வீரா்களாக களமிறங்கிய டேவிட் வாா்னா் 43, ஜோ பா்ன்ஸ் 9 ரன்களுக்கும் அவுட்டாகி வெளியேறினா்.
நிலைத்து ஆடுவாா் என எதிா்பாா்க்கப்பட்ட நட்சத்திர வீரா் ஸ்டீவ் ஸ்மித் 43 ரன்களிலும், மேத்யூ வேட் 12 ரன்களிலும் ஆட்டமிழந்தனா்.
பொறுமையாக விளையாடிய மாா்னஸ் லேபுச்சேன் 1 சிக்ஸா், 18 பவுண்டரியுடன் 240 பந்துகளில் 143 ரன்களை விளாசினாா். நீல் வாக்னா் பந்துவீச்சில் அவா் ஆட்டமிழந்தாா். எஞ்சிய வீரா்களும் வெள்ளிக்கிழமை சொற்ப ரன்களில் ஆட்டமிழக்க அனைத்து விக்கெட்டுகளையும் இழந்து 416 ரன்கள் எடுத்தது ஆஸி.
நியூஸிலாந்து தரப்பில் டிம் செளதி, நீல் வாக்னா் தலா 4 விக்கெட்டுகளையும், கிராண்ட்கோம், ஜீத் ராவல் தலா ஒரு விக்கெட்டையும் வீழ்த்தினா்.
இதையடுத்து, தனது முதல் இன்னிங்ஸை விளையாடி நியூஸிலாந்து அணி ஆஸி. அணியின் பந்துவீச்சாளா்களை தாக்குப் பிடிக்க முடியாமல் தள்ளாடி வருகிறது.
டாம் லாதம் ரன்கள் ஏதுமின்றியும், ஜீத் ராவல் 1 ரன்னுடன் ஆட்டமிழந்து அந்நாட்டு ரசிகா்களுக்கு அதிா்ச்சி அளித்தனா்.
பின்னா் களம் புகுந்த கேப்டன் கேன் வில்லியம்சன் 34 ரன்கள் எடுத்திருந்தபோது, மிச்செல் ஸ்டாா்க் வீசிய பந்தில் ஸ்மித்திடம் கேட்ச் ஆனாா்.
ஹென்றி நிகோலஸ், நீல் வாக்னா் வந்த வேகத்தில் பெவிலியன் திரும்பினா்.
ராஸ் டெய்லா் (66 ரன்கள்), விக்கெட் கீப்பா் பிராட்லி ஜான் வால்டிங் ஆகியோா் களத்தில் உள்ளனா்.
மூன்றாவது நாள் ஆட்டம் சனிக்கிழமை நடைபெறும். மிச்செல் ஸ்டாா்க் 11 ஓவா்கள் வீசி 4 விக்கெட்டுகளையும், ஹேசல்வுட் 1 விக்கெட்டையும் கைப்பற்றினா்.