இந்தோனேஷிய ஓபன் பாட்மிண்டன் போட்டி மகளிர் ஒற்றையர் அரையிறுதிச் சுற்றுக்கு தகுதி பெற்றார் இந்தியாவின் நட்சத்திரம் பி.வி.சிந்து.
ஒலிம்பிக் பதக்கம் வென்ற சிந்து, வெள்ளிக்கிழமை நடைபெற்ற அரையிறுதி ஆட்டத்தின் மூன்றாம் நிலை வீராங்கனை ஜப்பானைச் சேர்ந்த நúஸாமி ஒகுஹராவை 21-14, 21-7 என்ற கேம் கணக்கில் எளிதில் வீழ்த்தி அரையிறுதிக்கு தகுதி பெற்றார்.
இந்த ஆட்டம் மொத்தம் 44 நிமிடங்களே நடைபெற்றது. அரையிறுதியில் சீனாவின் சென் யு ஃபெயை எதிர்கொள்கிறார் சிந்து.
ரஷிய ஓபன்: விளாடிவோஸ்டாக்கில் நடைபெற்று வரும் ரஷிய ஓபன் பாட்மிண்டன் போட்டியில் இந்தியாவின் மேக்னா ஜக்கம்புடி இரட்டையர் மகளிர் மற்றும் கலப்பு பிரிவில் அரையிறுதிக்கு தகுதி பெற்றார்.
கலப்பு இரட்டையரில் மேக்னா-கபிலா இணை 21-3, 21-12 என்ற கேம் கணக்கில் ரஷியாவின் மக்ஷிம்-ஏகடெரினா இணையை வென்றது.
மகளிர் இரட்டையரில் மேக்னா-பூர்விஷா இணை 21-19, 21-11 என்ற கேம் கணக்கில் உள்ளூர் இணை விக்டோரியா-மரியா சுகோவாவை வீழ்த்தி அரையிறுதிக்கு தகுதி பெற்றது.