தோனியின் அதிரடி சிக்ஸரை வாயைப் பிளந்து வியந்து விராட் கோலி ரசித்த விடியோ சமூக வலைதளங்களில் வைரலாகப் பரவி வருகிறது.
இந்தியா, ஆஸ்திரேலியா இடையிலான உலகக் கோப்பை ஆட்டம் லண்டன் ஓவல் மைதானத்தில் ஞாயிற்றுக்கிழமை நடைபெற்றது. இப்போட்டியில் இந்திய அணி 36 ரன்கள் வித்தியாசத்தில் வெற்றிபெற்றது.
இப்போட்டியின் 48-ஆவது ஓவரின் முதல் பந்தை மிட்செல் ஸ்டார்க் வீசினார். இதனை தோனி அதிரடியாக சிக்ஸர் விளாசினார். 87 மீட்டர் பறந்த இந்த சிக்ஸரை மறுமுனையில் நின்றிருந்த விராட் கோலி வாயைப் பிளந்து வியந்து ரசித்துக்கொண்டிருந்தார்.