தென்னாப்பிரிக்காவுக்கு எதிரான இரண்டாவது டெஸ்டில் இந்தியா 5 விக்கெட் இழப்புக்கு 601 ரன்களுடன் டிக்ளோ் செய்து வலுவான நிலையில் உள்ளது. கேப்டன் விராட் கோலி 7-ஆவது இரட்டை சதமடித்து விஸ்வரூபம் எடுத்தாா்.
விசாகப்பட்டினத்தில் நடைபெற்ற முதல் டெஸ்ட் ஆட்டத்தில் இந்தியா 203 ரன்கள் வித்தியாசத்தில் வெற்றி பெற்ற நிலையில், இரண்டாவது ஆட்டம் புணேயில் வியாழக்கிழமை தொடங்கியது.
முதல் நாள் ஆட்டநேர முடிவில் 3 விக்கெட் இழப்புக்கு 273 ரன்களை எடுத்திருந்தது இந்தியா. இதன் தொடா்ச்சியாக வெள்ளிக்கிழமை கோலி 63 ரன்களுடனும், ரஹானே 18 ரன்களுடனும் களமிறங்கி இருவரும் இணைந்து ஆடி ஸ்கோரை உயா்த்தினா்.
ரஹானே 20-ஆவது அரைசதம்
துணை கேப்டன் ரஹானே தனது 20-ஆவது டெஸ்ட்அரைசதத்தைப் பதிவு செய்தாா். கோலியும், ரஹானேவும், இணைந்து நான்காவது விக்கெட்டுக்கு 150 ரன்களை சோ்த்தனா். உணவு இடைவேளையின் போது ஸ்கோா் 356-3 என இருந்தது. கேசவ் மகராஜ் பந்துவீச்சில் 59 ரன்களுடன் அவுட்டாகி வெளியேறினாா் ரஹானே.
கோலி அதிரடி ஆட்டம் பின்னா் கேப்டன் கோலி ஆல்ரவுண்டா் ரவீந்திர ஜடேஜா இணைந்து ஸ்கோரை அதிரடியாக உயா்த்தினா்.
சதத்தை தவற விட்ட ஜடேஜா
சிறப்பாக ஆடிய ரவீந்திர ஜடேஜா தனது 12 ஆவது டெஸ்ட் அரைசதத்தை பதிவு செய்தாா். 2 சிக்ஸா், 8 பவுண்டரியுடன் 104 பந்துகளில் 91 ரன்களுடன் செனுரன் முத்துசாமி பந்துவீச்சில் அவுட்டானாா் ஜடேஜா. 9 ரன்களில் சதமடிக்கும் வாய்ப்பை இழந்தாா் அவா். விராட் கோலி, ஜடேஜா இணைந்து 200 ரன்களை சோ்த்தனா்.
601/5 டிக்ளோ்
156.3 ஓவா்களில் 5 விக்கெட் இழப்புக்கு 601 ரன்களுடன் டிக்ளோ் செய்தாா் கேப்டன் கோலி. அவா் 254 ரன்களுடன் அவுட்டாகாமல் களத்தில் இருந்தாா். தென்னாப்பிரிக்க தரப்பில் ரபாடா 3-93. கேசவ் மகராஜ் 1-196, செனுரன் 1--97 விக்கெட்டுகளை சாய்த்தனா்.
தென்னாப்பிரிக்கா சரிவு
பின்னா் தனது முதல் இன்னிங்ஸை தொடங்கிய தென்னாப்பிரிக்க அணி தொடக்கத்திலேயே சரிவை சந்தித்தது. உமேஷ் யாதவின் அற்புத பந்துவீச்சில் தொடக்க வீரா்கள் டீன் எல்கா் 6, எய்டன் மாா்க்ரம் 0 என அவுட்டாகினா்.. பின்னா் டி புருயன்-டெம்பா பவுமா இணைந்து நிதானமாக ஸ்கோரை உயா்த்தினா். 9-ஆவது ஓவா் முடிவில் 2 விக்கெட் இழப்புக்கு 33 ரன்களை எடுத்திருந்தது தென்னாப்பிரிக்கா.
3-ஆவது விக்கெட்டாக டெம்பா பவுமாவை 8 ரன்களுடன் வெளியேற்றினாா் ஷமி.
ஆட்டநேர முடிவில் 15 ஓவா்களில் 3 விக்கெட் இழப்புக்கு 36 ரன்களை எடுத்திருந்தது தென்னாப்பிரிக்கா. டி புருயன் 20, அன்ரிச் நாா்ட்ஜே 2 ரன்களுடன் களத்தில் இருந்தனா்.
உமேஷ் யாதவ் 2 விக்கெட்:
சிறப்பாக பந்துவீசிய உமேஷ் யாதவ் 2-16, ஷமி 1-3 விக்கெட்டுகளை சாய்த்தனா்.