பிரபல கிரிக்கெட் வீரர் ஷேன் வாட்சனின் இன்ஸ்டகிராம் கணக்கு ஹேக் செய்யப்பட்டுள்ளது.
ஆஸ்திரேலிய அணியின் முன்னாள் வீரர் ஷேன் வாட்சனின் இன்ஸ்டகிராம் பக்கத்தில் மோசமான புகைப்படங்கள் இன்று வெளியானதைக் கண்டு அதிர்ச்சியடைந்த ரசிகர்கள், அவரிடம் முறையிட்டார்கள். இதையடுத்து ட்விட்டரில் தகவல் தெரிவித்த வாட்சன், தன்னுடைய இன்ஸ்டகிராம் கணக்கு ஹேக் செய்யப்பட்டுள்ளதாகக் கூறினார். முதலில் என்னுடைய ட்விட்டர் கணக்கும் தற்போது இன்ஸ்டகிராம் கணக்கும் ஹேக் செய்யப்பட்டுள்ளன. இதுபோன்று நடக்கும்போது இன்ஸ்டகிராம் நிர்வாகம் வேகமாக நடவடிக்கை எடுக்கவேண்டும் என்று அவர் கூறியுள்ளார்.
கடந்த வெள்ளிக்கிழமை, வாட்சனின் ட்விட்டர் கணக்கு ஹேக் செய்யப்பட்டது. பிறகு அதே நாளில் மீட்கப்பட்டது.