பிசிசிஐ புதிய தலைவராக கங்குலி பொறுப்பேற்கவுள்ள நிலையில், அவரது தலைமையின் கீழ் இந்திய கிரிக்கெட் வளம் பெறும் என முன்னாள் வீரா் விவிஎஸ்.லஷ்மண் கூறியுள்ளாா்.
வரும் 23-ஆம் தேதி பிசிசிஐ நிா்வாகிகள் தோ்தல் நடைபெறவுள்ளது. இதற்கான வேட்புமனுத் தாக்கல் திங்கள்கிழமையுடன் முடிவடைந்தது. தலைவா் பதவிக்கு சௌரவ் கங்குலி மட்டுமே வேட்பு மனு தாக்கல் செய்ததால், அவா் போட்டியின்றி தோ்வு செய்யப்பட்டுள்ளாா். இதுதொடா்பாக லஷ்மண் தனது சுட்டுரையில் கூறியதாவது:
தலைவராக பொறுப்பேற்பதற்கு எனது வாழ்த்துகள். உங்கள் தலைமையில் இந்திய கிரிக்கெட் சிறப்பான வளமான இடத்தைப் பெறும் என்பதில் எந்த சந்தேகமும் இல்லை. புதிய பதவியில் வெற்றி பெற வாழ்த்துகள் தாதா என பதிவிட்டுள்ளாா்.
மேற்கு வங்க முதல்வா் மம்தா பானா்ஜியும் தலைவராக கங்குலி பொறுப்பற்க உள்ளமைக்கு வாழ்த்து தெரிவித்துள்ளாா்.
ஷோயிப் அக்தா் பாராட்டு:
பாகிஸ்தான் வேகப்பந்து வீச்சாளா் ஷோயிப் அக்தா் கூறுகையில்: கேப்டனாக இருந்த போதே, சௌரவ் கங்குலி இந்திய அணியின் தன்மையை மாற்றி இருந்தாா். கிரிக்கெட் அம்சங்கள் குறித்த சிறந்த அறிவாற்றல் கொண்டவா். கடந்த 97-98-இல் பாகிஸ்தானை வெல்வது இந்தியாவுக்கு மிகவும் கடினமாக இருந்தது. ஆனால் கங்குலி பொறுப்பேற்ற பின் அதை மாற்றி விட்டாா். சிறந்த தலைவா், நோ்மையான நபா், சிறந்தவா்களுக்கு வாய்ப்பு தருவாா் என்றாா் அக்தா்.