Enable Javscript for better performance
Azhar Ali named Pakistan's Test captain and Babar Azam T20I captain | பாகிஸ்தான் அணி கேப்டன்- Dinamani

சுடச்சுட

    

    அணியிலிருந்தே நீக்கப்பட்ட பாகிஸ்தான் அணி கேப்டன்: ஒருநாள், டி20 அணிகளுக்கு புதிய கேப்டன்கள் நியமனம்

    By எழில்  |   Published on : 18th October 2019 03:29 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    sarfraz122

     

    மிஸ்பா உல் ஹக்கின் ஓய்வுக்குப் பிறகு பாகிஸ்தான் அணியின் கேப்டனாக நியமிக்கப்பட்ட சர்ஃபராஸ் அகமது, தற்போது பாகிஸ்தான் அணியின் டெஸ்ட், டி20 அணிகளிலிருந்து நீக்கப்பட்டுள்ளார்.

    இதையடுத்து பாகிஸ்தானின் ஒருநாள், டி20 அணிகளுக்குப் புதிய கேப்டன்கள் நியமிக்கப்பட்டுள்ளார்கள். அஸார் அலி டெஸ்ட் கேப்டனாகவும், பாபர் அஸாம் டி20 கேப்டனாகவும் நியமிக்கப்பட்டுள்ளார்கள். அஸார் அலி, டெஸ்ட் சாம்பியன்ஷிப் முடிகிற வரைக்கும் கேப்டனாக நீடிப்பார். பாபர் அஸாம், டி20 உலகக் கோப்பை வரை டி20 அணியின் கேப்டனாக நீடிப்பார். ஒருநாள் அணிக்கான கேப்டனை பாகிஸ்தான் கிரிக்கெட் வாரியம் அறிவிக்கவில்லை. 

    நவம்பர் - டிசம்பரில் பாகிஸ்தான் அணி ஆஸ்திரேலியாவுக்குச் சுற்றுப்பயணம் செய்கிறது. அங்கு 3 டி20, 2 டெஸ்டுகளில் விளையாடுகிறது. மேலும், பாகிஸ்தானுக்குச் சென்ற அனுபவமில்லா இலங்கை அணி, நெ.1 டி20 அணியான பாகிஸ்தானை அதன் சொந்த மண்ணிலேயே 3-0 என வீழ்த்தி டி20 தொடரைக் கைப்பற்றியது. இதையடுத்து அந்த அணியில் இந்த அதிரடி மாற்றங்கள் நிகழ்ந்துள்ளன. 

    13 டெஸ்டுகளுக்கு கேப்டனாக இருந்த சர்ஃபராஸ் அகமது, 4 வெற்றிகள், 8 தோல்விகளை அடைந்துள்ளார். அவர் தலைமையில் பாகிஸ்தான் அணி சாம்பியன்ஸ் கோப்பையை வென்று, நெ.1 டி20 அணியாகவும் திகழ்ந்துள்ளது. 2020 ஜூலையில் தான் பாகிஸ்தான் அணி நெதர்லாந்துக்கு எதிரான ஒருநாள் போட்டிகளில் பங்கேற்கிறது. அப்போது பாகிஸ்தான் அணியின் புதிய ஒருநாள் அணி கேப்டன் அறிவிக்கப்படுவார் என எதிர்பார்க்கப்படுகிறது. 

    நடந்து முடிந்த உலகக் கோப்பையில் பாகிஸ்தான் அணி லீக் சுற்றின் முடிவில் 5-ம் இடம் பிடித்து வெளியேறியது. இதையடுத்து பாகிஸ்தான் கிரிக்கெட் வாரியத் தேர்வுக் குழு தலைவர் பொறுப்பிலிருந்து முன்னாள் கேப்டன் இன்சமாம்-உல்-ஹக் விலகினார். பிறகு, தலைமைப் பயிற்சியாளர் பதவியிலிருந்து மிக்கி ஆர்தரை நீக்கியது பாகிஸ்தான் கிரிக்கெட் வாரியம். மேலும் பேட்டிங் பயிற்சியாளர் கிராண்ட் பிளவர், பந்துவீச்சுப் பயிற்சியாளர் அஸார் முகமது, டிரெய்னர் கிராண்ட் லுடென் ஆகியோருடைய ஒப்பந்தத்தையும் புதுப்பிக்க மறுத்தது. பிறகு, மூத்த வீரர்களான சோயிப் மாலிக், முகமது ஹபீஸ் ஆகிய இரு வீரர்களுக்கும் ஒப்பந்தம் மறுக்கப்பட்டது. 2019-20-ம் ஆண்டுக்கான ஒப்பந்தப் பட்டியலில் இரு வீரர்களின் பெயர்களும் இடம்பெறவில்லை. இதையடுத்து, கடந்த மாதம் பாகிஸ்தான்  கிரிக்கெட் அணியின் தலைமைப் பயிற்சியாளர் மற்றும் தேர்வுக்குழுத் தலைவராக முன்னாள் கேப்டன் மிஸ்பா உல் ஹக் தேர்வானார்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai