கஜகஸ்தானின் நூர்சுல்தான் நகரில் வரும் 14-ஆம் தேதி தொடங்கவுள்ள உலக மல்யுத்த சாம்பியன்ஷிப் போட்டியில் ஆடவர் 65 கிலோ ப்ரீஸ்டைல் பிரிவில் இந்தியாவின் பஜ்ரங் புனியா முதல்நிலை வீரராக தரவரிசைப்படுத்தப்பட்டுள்ளார்.
பெங்களூருவில் நடைபெற்று வரும் துலிப் கோப்பை போட்டி இறுதி ஆட்டத்தில் இரண்டாம் நாளான வியாழக்கிழமை இந்தியா ரெட் அணி 2 விக்கெட் இழப்புக்கு 175 ரன்களை எடுத்திருந்தது. முன்னதாக கிரீன் அணி 231 ரன்களுக்கு ஆல் அவுட்டானது.
வரும் 15-ஆம் தேதி தர்மசாலாவில் தொடங்கவுள்ள இந்தியாவுடனான 3 ஆட்டங்கள் கொண்ட டி20 தொடருக்கான தென்னாப்பிரிக்க அணி அறிவிக்கப்பட்டுள்ளது.
மூத்த வீராங்கனை மிதாலி ராஜ் ஓய்வு பெற்ற நிலையில், இந்திய டி20 அணியில் 15 வயதே ஆன பள்ளி மாணவி ஷபாலி வர்மா சேர்க்கப்பட்டுள்ளார். தென்னாப்பிரிக்க மகளிர் அணியுடன் 3 ஒருநாள், 5 டி20 ஆட்டங்களில் ஆடவுள்ளது இந்திய மகளிர் அணி. 24-இல் ஒருநாள் தொடர் தொடங்குகிறது.