சர்வதேச கிரிக்கெட் கவுன்சில் (ஐசிசி) அவ்வப்போது டி20, ஒருநாள், டெஸ்ட் தரவரிசை பட்டியல்களை வெளியிட்டு வருகிறது. இதன்படி இன்று வெளியிடப்பட்ட டெஸ்ட் பேட்ஸ்மேன் தரவரிசையில் ஆஸி. மூத்த வீரர் ஸ்டீவ் ஸ்மித் 937 புள்ளிகளுடன் முதலிடத்தைத் தக்கவைத்துக்கொண்டுள்ளார்.
ஆஸ்திரேலியாவுக்கு எதிரான ஆஷஸ் தொடரின் 5-ஆவது டெஸ்டில் 135 ரன்கள் வித்தியாசத்தில் வென்று 2-2 என தொடரையும் சமன் செய்தது இங்கிலாந்து. இந்த ஆஷஸ் தொடரில் 4 டெஸ்டுகளில் பங்கேற்ற ஸ்மித், 774 ரன்கள் எடுத்துள்ளார். இதன்மூலம் அவர் தரவரிசையில் முதலிடத்தைத் தக்கவைத்துக்கொண்டுள்ளார். ஆஷஸ் தொடருக்கு முன்பு, 857 புள்ளிகளுடன் நான்காம் இடத்தில் அவர் இருந்தார்.
அதேபோல ஐசிசி பந்துவீச்சுத் தரவரிசையில் பேட் கம்மின்ஸ் 908 புள்ளிகளுடன் முதலிடத்தில் உள்ளார். அவர், ஆஷஸ் தொடரில் 29 விக்கெட்டுகளை வீழ்த்தினார்.
ஐசிசி தரவரிசை: பேட்டிங்
1. ஸ்மித் - 937 புள்ளிகள்
2. விராட் கோலி - 903 புள்ளிகள்
3. கேன் வில்லியம்சன் - 878 புள்ளிகள்
4. புஜாரா - 825 புள்ளிகள்
5. ஹென்றி நிகோல்ஸ் - 749 புள்ளிகள்
ஐசிசி தரவரிசை: பந்துவீச்சு
1.பேட் கம்மின்ஸ் - 908 புள்ளிகள்
2.ரபாடா - 851 புள்ளிகள்
3.பும்ரா - 835 புள்ளிகள்
4.ஹோல்டர் - 814 புள்ளிகள்
5.பிளாண்டர் - 813 புள்ளிகள்