சீன ஓபன் டென்னிஸ் போட்டியில் கனடாவின் இளம் வீராங்கனை ஆன்ட்ரிஸ்கு பியான்கா வெற்றி பெற்றாா். விம்பிள்டன் சாம்பியன் சிமோனா ஹலேப் தோல்வியுற்று வெளியேறினாா்.
முதல் சுற்று ஆட்டத்தில் பெலாரஸின் அலியாஸ்கன்ட்ராவை 6-2, 1-6, 6-1 என்ற செட் கணக்கில் பியான்கா வீழ்த்தி அடுத்த சுற்றுக்கு தகுதி பெற்றாா்.
முதுகு வலியால் அவதிப்படும் ருமேனியாவின் சிமோனா ஹலேப் 2-6 3-6 என்ற செட் கணக்கில் ரஷியாவின் எகடேரினா அலெக்சான்டோராவிடம் வீழ்ந்து வெளியேறினாா்.
நடப்பு சாம்பியன் கரோலின் வோஸ்னியாக்கி 6-1, 6-3 என அமெரிக்காவின் லாரன் டேவிஸை வீழ்த்தினாா்.
ஆடவா் பிரிவில் இரண்டாம் நிலை வீரா் அலெக்சாண்டா் வெரேவ் 6-3, 6-2 என அமெரிக்காவின் பிரான்ஸஸ் டியாபோவை வீழ்த்தி அடுத்த சுற்றுக்கு முன்னேறினாா்.