இங்கிலாந்து - தென் ஆப்பிரிக்கா அணிகளுக்கு இடையிலான 3-வது டெஸ்ட், போர்ட் எலிசபெத்தில் நடைபெற்று வருகிறது.
நேற்றைய முதல்நாள் ஆட்டத்தில் 27 ரன்களில் இங்கிலாந்து கேப்டன் ரூட்டை போல்ட் செய்தார் தெ.ஆ. வேகப்பந்துவீச்சாளர் ரபடா. தனது வெற்றியை அப்போது மிகவும் ஆக்ரோஷமாகக் கொண்டாடினார்.
இது ஐசிசி விதிமுறையை மீறியுள்ளதாக அவருக்கு 1 அபராதப் புள்ளி வழங்கப்பட்டுள்ளது. மேலும் ஆட்ட ஊதியத்திலிருந்து 15% அபராதமும் விதிக்கப்பட்டுள்ளது. இதையடுத்துக் கடந்த இரு வருடங்களில் 4 அபராதப் புள்ளிகள் வைத்துள்ளதால் 4-வது டெஸ்டில் விளையாட ரபடாவுக்குத் தடை விதிக்கப்பட்டுள்ளது.