Enable Javscript for better performance
VIVO won't be the sponsor for IPL 2020- Dinamani

சுடச்சுட

    

    ஐபிஎல் ஸ்பான்சர்: விவோ விலக முடிவு!

    By DIN  |   Published on : 04th August 2020 05:06 PM  |   அ+அ அ-   |    |  

    ipl123

     

    அக்டோபர் 18 முதல் நவம்பர் 15 வரை ஆஸ்திரேலியாவில் நடைபெறவிருந்த டி20 உலகக் கோப்பை அடுத்த வருடத்துக்கு ஒத்திவைக்கப்பட்டுள்ளது. இதனால் இந்த வருட ஐபிஎல் போட்டி ஐக்கிய அரபு அமீரகத்தில் நடைபெறவுள்ளது. செப்டம்பர் 19 (சனிக்கிழமை) அன்று தொடங்கும் ஐபிஎல் போட்டி நவம்பர் 10 (செவ்வாய்) அன்று முடிவடைகிறது. 53 நாள்கள் போட்டி நடைபெறுகிறது.

    இந்த வருட ஐபிஎல் போட்டி குறித்து விவாதிப்பதற்காக கடந்த ஞாயிறு அன்று ஐபிஎல் ஆட்சி மன்றக் குழு கூட்டம் நடைபெற்றது. அதில் பல முக்கிய முடிவுகள் எடுக்கப்பட்டன. 

    ஐபிஎல் ஸ்பான்சராக விவோ என்கிற சீன நிறுவனத்துடனான ஒப்பந்தம் தொடரும் என பிசிசிஐ அறிவித்தது.

    இந்நிலையில் ஐபிஎல் போட்டிக்கு ஸ்பான்சராக உள்ள விவோ நிறுவனம் இந்த வருடம் மட்டும் விலகவுள்ளதாக பிசிசிஐயிடம் தெரிவித்துள்ளது.

    லடாக் எல்லையில் உள்ள கல்வான் பள்ளத்தாக்கு பகுதியில் இந்திய-சீன வீரா்களுக்கு இடையே ஜூன் மாதம் திடீரென மோதல் ஏற்பட்டது. இதில் இரு தரப்பைச் சோ்ந்த ராணுவ வீரா்களும் மோதிக் கொண்டனா். இந்தச் சம்பவத்தில் தமிழகத்தின் ராமநாதபுரத்தைச் சோ்ந்த பழனி உள்பட 20 ராணுவ வீரா்கள் வீர மரணமடைந்ததாக இந்திய ராணுவம் அறிவித்தது. அதேபோல சீன ராணுவத்திலும் கடும் உயிா்ச்சேதம் ஏற்பட்டுள்ளது.

    இதையடுத்து சீனப் பொருள்களை இந்தியர்கள் வாங்கக் கூடாது, விற்பனை செய்யக்கூடாது என்கிற கோரிக்கைகள் வலுத்துள்ள நிலையில் ஐபிஎல் ஸ்பான்சராக விவோ நிறுவனம் தொடரும் என பிசிசிஐ அறிவித்ததற்கு எதிர்ப்பு கிளம்பியது.

    புதிய திருப்பமாக, ஐபிஎல் ஸ்பான்சராக இந்த வருடம் விவோ நிறுவனம் செயல்படப் போவதில்லை என முடிவெடுத்துள்ளது. ஆனால் அடுத்த வருடம் மீண்டும் ஐபிஎல் ஸ்பான்சராக நீடிக்கவும் 2023 வரை ஐபிஎல்-லுடனான கூட்டணியைத் தொடரவும் விருப்பம் தெரிவித்துள்ளது. இதனால் பிசிசிஐக்குப் புதிய நெருக்கடி ஏற்பட்டுள்ளது. இந்த வருட ஐபிஎல் போட்டிக்கான ஸ்பான்சரை உடனடியாக தேடிப் பிடிக்க வேண்டிய நிலைமை ஏற்பட்டுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp