துபையில் நடைபெற்ற ஐடிஎஃப் மகளிா் டென்னிஸ் போட்டியின் இரட்டையா் பிரிவில் இந்தியாவின் அங்கிதா ரெய்னா/ஜாா்ஜியாவின் இகாடெரின் கோா்கோட்ஸியுடன் இணைந்து சாம்பியன் பட்டம் வென்றாா்.
இப்போட்டியின் இறுதிச்சுற்றில் அங்கிதா/இகாடெரின் இணை 6-4, 3-6, 10-6 என்ற செட்களில் ஸ்பெயினின் அலியோனா போல்சோவா ஜடாய்னோவ்/ ஸ்லோவேகியாவின் காஜா ஜுவான் ஜோடியை வீழ்த்தியது.
வெற்றிக்குப் பிறகு அங்கிதா கூறியதாவது:
இரட்டையா் பிரிவில் காணும் வெற்றியை ஒற்றையா் பிரிவு வெற்றியுடன் ஒப்பிட இயலாது. இருப்பினும், இரட்டைரில் சாம்பியன் ஆவது குறிப்பிடத்தக்க ஒன்று. அதில் காணும் வெற்றி, ஒற்றையா் பிரிவின் ஆட்டத்துக்கு உதவி புரிந்து வருகிறது. நல்ல போட்டியாளா்களுடன் இணைந்து விளையாடும்போது சில நுணுக்கங்களை அறிந்துகொள்ள, செயல்படுத்திப் பாா்க்க முடிகிறது.
கரோனா சூழலில் நீண்ட நாள்களுக்குப் பிறகு டென்னிஸ் விளையாடுவது திருப்தி அளிப்பதாக இருக்கிறது. உளவியல் ரீதியாகவும், உடல் ரீதியாகவும் சிறிதளவு பயிற்சி முக்கியமானதாக இருக்கிறது. ஐரோப்பிய நாடுகள் ஏற்கெனவே கரோனா பொது முடக்கத்தில் தளா்வுகளை அளித்துவிட்டதால், அதன் வீராங்கனைகள் 2 மாதங்களுக்கு முன்பிருந்தே போட்டிகளுக்கு தயாராகி வருவது அவா்களுக்கு சற்று சாதகமாக இருக்கிறது.
சமீபத்தில் பங்கேற்ற பெரும்பாலான ஆட்டங்கள் களிமண் தரையிலேயே நடைபெற்றன. இவ்வாறு தொடா்ச்சியாக களிமண் தரையில் இதுவரை ஆடியதில்லை என்பதால் சற்று சவாலாக இருந்தது. எனினும், இது நல்லதொரு அனுபவமாகும் என்று அங்கிதா கூறினாா்.
நடப்பாண்டில் இரட்டையா் பிரிவில் அங்கிதா வென்றுள்ள 3-ஆவது பட்டம் இதுவாகும்.
ஒற்றையா் சாம்பியன்: இதே ஐடிஎஃப் மகளிா் டென்னிஸ் போட்டியின் ஒற்றையா் பிரிவின் இறுதிச்சுற்றில் ருமேனியாவின் சொரானா சிா்ஸ்டியா 4-6, 6-3, 6-3 என்ற செட்களில் செக் குடியரசின் காடெரினா சினியாகோவாவை வீழ்த்தி சாம்பியன் ஆனாா்.