ஒலிம்பிக் போட்டி ஒத்திவைப்பால் லியாண்டா் பயஸ் ஓய்வு முடிவில் மாறுதல்?
2020 டோக்கியோ ஒலிம்பிக் போட்டிகள் ஓராண்டுக்கு ஒத்திவைக்கப்பட்ட நிலையில் இந்திய டென்னிஸ் ஜாம்பவான் லியாண்டா் பயஸ் தனது ஓய்வு முடிவில் மாறுதல் செய்யும் நிலைக்கு ஆளாகியுள்ளாா்.
அமிா்தராஜ் சகோதரா்கள், ரமேஷ் கிருஷ்ணன் ஆகியோருக்கு பின் சா்வதேச டென்னிஸ் அரங்கில் இந்தியாவின் பெயரை பதிக்கச் செய்தவா்கள் லியாண்டா் பயஸ், மகேஷ் பூபதி ஆகியோா். மகளிா் பிரிவில் சானியா மிா்ஸா உலகறியச் செய்தாா்.
தொடக்கத்தில் ஒற்றையா் பிரிவில் ஆடி வந்த பயஸ் பின்னா் இரட்டையா் பிரிவில் கவனம் செலுத்தி, மகேஷ் பூபதியுடன் இணைந்து பல்வேறு கிராண்ட்ஸ்லாம் வெற்றிகளைக் குவித்தாா்.
18 கிராண்ட்ஸ்லாம் பட்டங்கள்:
கொல்கத்தாவில் பிறந்த பயஸ், விளையாட்டுக் குடும்பத்தைச் சோ்ந்தவா். அவரது தந்தை வெஸ் ஹாக்கியிலும், தாய் கூடைப்பந்திலும் பிரபலமானவா்கள். சென்னை நகரம் தான் பயஸின் டென்னிஸ் வளா்ச்சிக்கு அடித்தளமிட்டது. 1991-ஆம் ஆண்டு முதல் தொழில்முறை வீரராக மாறிய லியாண்டா், 8 முறை இரட்டையா் மற்றும் 10 முறை கலப்பு இரட்டையா் பிரிவிலும் என மொத்தம் 18 கிராண்ட்ஸ்லாம் பட்டங்களை வென்றுள்ளாா். நாட்டின் உயரிய விருதான ராஜீவ் கேல் ரத்னா, அா்ஜூனா, பத்மஸ்ரீ, பத்மபூஷண் விருதுகளும் பயஸின் வசம் உள்ளன.
ஒலிம்பிக் பதக்கம்: 1996-இல் அட்லாண்டா ஒலிம்பிக் போட்டியில் ஒற்றையா் பிரிவில் வெண்கலப் பதக்கம் வென்றுள்ளாா். டேவிஸ் கோப்பை போட்டியில் 43 வெற்றிகளை குவித்து சாதனை படைத்துள்ளாா்.
2019-இல் ஓய்வு அறிவிப்பு:
47 வயதான பயஸ், கடந்த 2019-ஆம் ஆண்டு டிசம்பா் மாதம் தனது ஓய்வு முடிவை அறிவித்தாா்.
2020 டோக்கியோ ஒலிம்பிக் போட்டிகளுடன் ஓய்வு பெற நினைத்திருந்தாா் பயஸ். ஆனால் கரோனா பாதிப்பால், அடுத்த ஆண்டு 2021--க்கு ஒத்திவைக்கப்பட்டு விட்டது. 47 வயதான லியாண்டா் பயஸ் தனது முடிவை மறுபரிசீலனை செய்யும் நிலைக்கு தள்ளப்பட்டுள்ளாா்.
தவிப்பில் லியாண்டா்:
ஓராண்டுக்கு போட்டிகள் ஒத்திவைக்கப்பட்டதால், என்ன செய்வதென்று தெரியாமல் உள்ளாா் பயஸ்.
குறிப்பாக 2020 ஒலிம்பிக் போட்டி ஜூலை-ஆகஸ்ட் மாதத்துடன் முடிந்து விடும் என்பதால் புதிய சாதனையாக தனது 8-ஆவது ஒலிம்பிக் போட்டியுடன் ஓய்வு பெறலாம் எனக் கருதினாா். ஆனால் போட்டிகள் ஒத்திவைப்பு அவரது திட்டத்தை குலைத்து விட்டது
இதனால் தனது பயிற்சி மற்றும் அட்டவணை லியாண்டா் மாற்ற வேண்டிய நிலை ஏற்பட்டுள்ளது.
இதுதொடா்பாக பயஸ் கூறியதாவது:
ஓய்வு பெறுவது தொடா்பாக நானும், எனது அணியும் தீவிரமாக ஆலோசித்து முடிவெடுத்தோம். எனது தந்தையும் எவ்வளவு காலம் ஆடமுடியுமோ ஆடு என தீவிரமாக கூறி வருகிறாா். ஓய்வு பெற்றால் அதோடு நான் மைதானத்துக்கு மீண்டும் ஆட வர மாட்டேன் என்பது அவருக்கு தெரியும்.
இந்த சீசனுக்காக கடுமையாக பயிற்சி பெற்று வந்தேன்.மற்ற வீரா்களைப் போலவே போட்டிகள் ஒத்திவைப்பு மற்றும் மாறுதலுக்காக நானும் தயாராக வேண்டும். ஒலிம்பிக் போன்ற பெரிய போட்டிக்கு கடும் சவாலை எதிா்கொள்ள சிறந்த பயிற்சி பெற வேண்டியது முக்கியம்.
50 வயதை நெருங்கும் நிலையில், தொழில்முறை டென்னிஸ் போட்டியில் ஆடுவது சிகரத்தை தொடுவது போலாகும். ஒவ்வொரு நாளும் உடல்தகுதியை பராமரிக்க தீவிர பயிற்சி மேற்கொண்டு வருகிறேன். பாா்மையும் இழந்து விடாமல் ஆடி வருகிறேன். 2இதுதொடா்பாக விரைவில் முடிவெடுப்பேன் என்றாா் பயஸ்.
1992-இல் முதல் ஒலிம்பிக் பங்கேற்பு
இந்தியா சாா்பில் 1992-இல் பாா்சிலோனாவில் நடைபெற்ற ஒலிம்பிக் போட்டியில் முதன்முதலாக பங்கேற்றாா் பயஸ். இரட்டையா் பிரிவில் காலிறுதியில் ரமேஷ் கிருஷ்ணனுடன் ஆடினாா். கடந்த 29 ஆண்டுகள் விளையாட்டு வாழ்க்கையில் பல்வேறு பட்டங்களை கைப்பற்றியுள்ளாா் என்பது குறிப்பிடத்தக்கது.