ஹிந்தி மற்றும் தெலுங்குப் பாடல்களுக்கு நடனமாடி இந்திய கிரிக்கெட் ரசிகர்களை மகிழ்வித்து வருகிறார்கள் டேவிட் வார்னர் குடும்பத்தினர்.
கரோனா அச்சுறுத்தல் காரணமாக கிரிக்கெட் போட்டிகள் அனைத்தும் ஒத்திவைக்கப்பட்டுள்ளன. இதனால் கிரிக்கெட் வீரர்கள் தங்களுடைய வீடுகளில் ஓய்வெடுத்து வருகிறார்கள்.
ஐபிஎல் போட்டியில் ஹைதராபாத் ஐபிஎல் அணியில் விளையாடும் பிரபல ஆஸ்திரேலிய வீரர் டேவிட் வார்னர் தன்னுடைய குடும்பத்தினருடன் இணைந்து Sheila Ki Jawani (ஹிந்தி), Butta Booma & Ala Vaikunthapurramuloo (தெலுங்கு) ஆகிய திரைப்படப் பாடல்களுக்கு நடனமாடி அதன் விடியோக்களை டிக் டாக் மற்றும் இன்ஸ்டகிராம் தளங்களில் வெளியிட்டு வருகிறார். வார்னரின் இந்த விடியோக்களுக்கு ரசிகர்கள் பலத்த ஆதரவு தெரிவித்துள்ளார்கள்.