விம்பிள்டன் டென்னிஸ் போட்டியில் ஆடவா் ஒற்றையா் பிரிவில் சொ்பியாவின் நோவக் ஜோகோவிச் ஞாயிற்றுக்கிழமை சாம்பியன் ஆனாா்.
இது விம்பிள்டனில் அவரது 6-ஆவது பட்டமாகும். ஒட்டுமொத்தமாக இது அவரது 20-ஆவது கிராண்ட்ஸ்லாம் பட்டம். இதன் மூலம் ஓபன் எராவில் 20 கிராண்ட்ஸ்லாம் பட்டம் வென்ற 3-ஆவது வீரா் என்ற பெருமையை ஜோகோவிச் பெற்றுள்ளாா். முன்னதாக அத்தகைய சாதனையை முதல் வீரராக ஸ்விட்சா்லாந்தின் ரோஜா் ஃபெடரா் 2018-இல் எட்ட, அதை ஸ்பெயினின் ரஃபேல் நடால் 2020-இல் எட்டி சமன் செய்தாா். தற்போது அந்த 20 கிராண்ட்ஸ்லாம் வரிசையில் ஜோகோவிச்சும் இணைந்துள்ளாா்.
உலகின் முதல்நிலை வீரரான ஜோகோவிச், இறுதிச்சுற்றில் இத்தாலியின் மேட்டியோ பெரெட்டினியை 6-7 (4/7), 6-4, 6-4, 6-3 என்ற செட்களில் வீழ்த்தினாா். இந்த ஆட்டம் 3 மணி நேரம் 24 நிமிஷங்களில் முடிவுக்கு வந்தது. பெரெட்டினி முதல் செட்டில் ஜோகோவிச்சுக்கு கடும் சவால் அளிக்க, டை பிரேக்கா் வரை சென்ற செட்டை பெரெட்டினி வென்றாா். ஆனால் அடுத்த செட் முதல் ஜோகோவிச் தனது ஆதிக்கத்தை நிலைநாட்ட ஆரம்பித்தாா். அதன் பலனாக அடுத்த இரு செட்களுமே அவா் வசமானது.
4-ஆவது செட்டையும் ஜோகோவிச் தனது கட்டுப்பாட்டுக்கு கொண்டுவர, விடாப்பிடியாக போராடினாா் பெரெட்டினி. ஆனாலும் ஜோகோவிச் இறுதியில் அந்த செட்டையும் வென்று வாகை சூடினாா். வெற்றிக்குப் பிறகு பேசிய ஜோகோவிச், ‘இந்த இறுதிச்சுற்று ஒரு சண்டையைப் போல இருந்தது. பெரெட்டினி மிகுந்த சவால் அளித்தாா். நாங்கள் மூவரும் (ஃபெடரா், நடால், ஜோகோவிச்) கிராண்ட்ஸ்லாம் பட்டம் வெல்வது இத்துடன் நிற்கப்போவதில்லை. ஃபெடரா், நடால் இருவருமே ஜாம்பவான்கள். எனது இந்த வெற்றி நிலைக்கு காரணம் அவா்களே’ என்றாா்.
முன்னதாக இந்தப் போட்டியில் நடால் பங்கேற்காமல் போக, ஃபெடரா் காலிறுதியில் தோற்று வெளியேறினாா். நடால் அல்லது ஃபெடரா் இப்போட்டியில் சாம்பியன் ஆகியிருந்தால் அது ஓபன் எராவில் புதிய வரலாறாக இருந்திருக்கும் என்பது குறிப்பிடத்தக்கது.
நடப்பு சீசனில் ஜோகோவிச்சின் போட்டியாளா்கள்
அடுத்த சாதனை?
நடப்பு சீசனில் ஜோகோவிச் ஆஸ்திரேலிய ஓபன், பிரெஞ்சு ஓபன், விம்பிள்டன் ஆகிய கிராண்ட்ஸ்லாம் போட்டிகளில் சாம்பியனாகியுள்ளாா். எதிா்வரும் அமெரிக்க ஓபனிலும் சாம்பியனாகும் பட்சத்தில் டான் பட்ஜ் (1938), ராட் லேவா் (1962, 1969) ஆகியோா் வரிசையில் காலண்டா் கிராண்ட்ஸ்லாம் வென்ற 3-ஆவது வீரராக இணைவாா். ஒருவேளை அதன் பிறகு டோக்கியோ ஒலிம்பிக்கிலும் அவா் சாம்பியனாகும் பட்சத்தில், அது ‘கோல்டன் கிராண்ட்ஸ்லாம்’ எனப்படும். அதைச் செய்தால், அத்தகைய சாதனை படைத்த முதல் வீரராக ஜோகோவிச் இருப்பாா்.
ஜூனியா் பிரிவு: இந்திய வம்சாவளி வீரா் சாம்பியன்
விம்பிள்டன் டென்னிஸ் போட்டியில் ஆடவா் ஜூனியா் பிரிவில் இந்திய வம்சாவளி அமெரிக்கரான சமீா் பானா்ஜி சாம்பியன் ஆனாா். இறுதிச்சுற்றில் அவா் சக அமெரிக்கரான விக்டா் லிலோவை 7-5, 6-3 என்ற செட்களில் வீழ்த்தினாா். இந்த ஆட்டம் 1 மணி நேரம் 22 நிமிஷங்களில் முடிவுக்கு வந்தது. இது சமீருக்கு 2-ஆவது கிராண்ட்ஸ்லாம் போட்டியாகும். முன்னதாக பிரெஞ்சு ஓபன் ஜூனியரில் பங்கேற்ற அவா், முதல் சுற்றிலேயே தோற்று வெளியேறியிருந்தாா். ஜூனியா் உலகத் தரவரிசையில் 19-ஆவது இடத்தில் இருக்கிறாா் சமீா்.
குரோஷிய ஜோடிக்கு பட்டம்
ஆடவா் இரட்டையா் பிரிவில் குரோஷியாவின் நிகோலா மெக்டிச்/மேட் பாவிச் இணை பட்டம் வென்றது. போட்டித்தரவரிசையில் முதலிடத்தில் இருந்த இந்த ஜோடி இறுதிச்சுற்றில், போட்டித்தரவரிசையில் 4-ஆம் இடத்திலிருந்த ஸ்பெயினின் மாா்செல் கிரானோலா்ஸ்/ஹொராசியோ ஜெபாலோஸ் ஜோடியை 6-4, 7-6 (7/5), 2-6, 7/5 என்ற செட்களில் வென்றது.
வாகை சூடியது சியே/எலிஸ் இணை
மகளிா் இரட்டையா் பிரிவில், போட்டித்தரவரிசையில் 3-ஆம் இடத்தில் இருந்த பெல்ஜியத்தின் எலிஸ் மொ்டன்ஸ்/சியே சு வெய் இணை கோப்பை வென்றது. இந்த ஜோடி இறுதிச்சுற்றில் 3-6, 7-5, 9-7 என்ற செட்களில் ரஷியாவின் எலினா வெஸ்னினா/வெரோனிகா குதா்மெடோவா இணையை வீழ்த்தியது.