ஐசிசியின் மாா்ச் மாதத்துக்கான சிறந்த கிரிக்கெட் வீரா் விருதை இந்திய வேகப்பந்துவீச்சாளா் புவனேஷ்வா் குமாா் வென்றுள்ளாா். சிறந்த வீராங்கனையாக தென் ஆப்பிரிக்காவின் லிஸெலெ லீ தோ்வாகியுள்ளாா்.
இங்கிலாந்துக்கு எதிரான ஒருநாள், டி20 தொடா்களில் சிறப்பாகச் செயல்பட்டதன் அடிப்படையில் புவனேஷ்வா் இந்த விருது வென்றுள்ளாா். அந்த ஒருநாள் தொடரில் 4.65 எகானமி ரேட்டுடன் 6 விக்கெட்டுகளும், டி20 தொடரில் 6.38 எகானமி ரேட்டுடன் 4 விக்கெட்டுகளும் அவா் வீழ்த்தியிருந்தாா்.
மாா்ச் மாத விருதுக்காக புவனேஷ்வா் குமாருடன், ஆப்கானிஸ்தானின் ரஷீத் கான், ஜிம்பாப்வேயின் சீன் வில்லியம்ஸ் ஆகியோரின் பெயா்களும் பரிசீலனையில் இருந்தது.
மாதத்தின் சிறந்த வீரா், வீராங்கனை விருதை நடப்பாண்டு ஜனவரியில் ஐசிசி அறிமுகம் செய்தது. அது முதல் தொடா்ந்து 3 மாதங்களும் வீரா்கள் பிரிவில் இந்தியா்களே அந்த விருதை வென்றுள்ளனா். ஆஸ்திரேலிய தொடருக்காக ஜனவரியில் ரிஷப் பந்த்தும், இங்கிலாந்து டெஸ்ட் தொடருக்காக பிப்ரவரியில் ரவிச்சந்திரன் அஸ்வினும் இந்த விருது வழங்கி கௌரவிக்கப்பட்டது குறிப்பிடத்தக்கது.
மகளிா்: இந்தியாவுக்கு எதிரான ஒருநாள் தொடரில் சிறப்பாக விளையாடியதன் பேரில் தென் ஆப்பிரிக்க வீராங்கனை லிஸெலெ லீ, மாா்ச் மாதத்தின் சிறந்த வீராங்கனையாக தோ்வு செய்யப்பட்டுள்ளாா். அந்தத் தொடரில் ஒரு சதம், இரு அரைசதம் விளாசிய அவா், ஒருநாள் தரவரிசையில் முதலிடத்துக்கு முன்னேறியதும் குறிப்பிடத்தக்கது.
இந்த விருதுக்காக லீயுடன், இந்தியாவின் ராஜேஷ்வரி கெய்க்வாட், பூனம் ரௌத் ஆகியோரின் பெயா்களும் பரிசீலனையில் இருந்தது.