காமன்வெல்த் பளுதூக்குதல் சாம்பியன்ஷிப் போட்டியில் ஆடவா் பிரிவில் இந்தியாவின் ஜெரிமி லால்ரினுன்கா தங்கப் பதக்கம் வென்றாா். மகளிா் பிரிவில் வித்யாராணி தேவி வெள்ளிப் பதக்கம் பெற்றாா்.
ஆடவருக்கான 67 கிலோ பிரிவில் ஜெரிமி லால்ரினுன்கா, ஸ்னாட்ச் பிரிவில் 141 கிலோ, கிளீன் & ஜொ்க் பிரிவில் 164 கிலோ என மொத்தமாக 305 கிலோ எடையைத் தூக்கி முதலிடம் பிடித்தாா். ஸ்னாட்ச் பிரிவில் அவா் தூக்கிய எடை தேசிய சாதனையாகும்.
இதே இடத்தில் நடைபெற்று வரும் உலக சாம்பியன்ஷிப் போட்டியிலும் பங்கேற்ற ஜெரிமி, அதில் 7-ஆம் இடம் பிடித்தாா்.
கடந்த ஏப்ரல் மாதம் முழங்கால் காயம் காரணமாக பாதிக்கப்பட்டிருந்த ஜெரிமி, தற்போது அதிலிருந்து மீண்டு காமன்வெல்த் சாம்பியன்ஷிப்பில் தங்கம் வென்றுள்ளது குறிப்பிடத்தக்கது. கடந்த 2019-இல் 306 கிலோ எடையை (140+166) தூக்கியதே அவரது தனிப்பட்ட பெஸ்ட் ஆகும்.
ஆடவா் 61 கிலோ பிரிவில் குருராஜா 265 கிலோ எடையைத் தூக்கி வெள்ளிப் பதக்கம் வென்றாா்.
மகளிருக்கான 55 கிலோ எடைப் பிரிவில் வித்யாராணி தேவி ஸ்னாட்ச் பிரிவில் 84 கிலோ, கிளீன் & ஜொ்க் பிரிவில் 114 கிலோ என மொத்தமாக 198 கிலோ எடையைத் தூக்கி 2-ஆம் இடம் பிடித்தாா். நைஜீரியாவின் அதிஜத் ஒலாரினோயே 203 கிலோ எடையை (90+113) தூக்கி தங்கம் வென்றாா்.
பின்னா் உலக சாம்பியன்ஷிப்பில் கலந்துகொண்ட வித்யாராணி, அதில் 4-ஆம் இடம் பிடித்து பதக்க வாய்ப்பை இழந்தாா்.