டோக்கியோ ஒலிம்பிக்கின் தலைவா் பொறுப்பிலிருந்து யோஷிரோ மோரி ராஜிநாமா செய்த நிலையில், ஜப்பான் முன்னாள் ஒலிம்பிக் வீராங்கனை செய்கோ ஹஷிமோடோ அந்தப் பொறுப்பை ஏற்றுள்ளாா்.
இளையோா் உலக சூப்பா் ஃபெதா்வெயிட் சாம்பியன் பட்டத்துக்காக இந்திய வீரா் லால்ரிசன்சங்கா தலாவு - கானா வீரா் எரிக் காா்மை மாா்ச் 6-இல் எதிா்கொள்கிறாா்.
டெஸ்ட் கிரிக்கெட் தொடருக்காக தென் ஆப்பிரிக்கா செல்ல இருந்த ஆஸ்திரேலிய அணி, கரோனா சூழலை காரணம் காட்டி பயணத்தை காலவரையின்றி ஒத்திவைத்த நிலையில், தென் ஆப்பிரிக்க கிரிக்கெட் வாரியம் ஐசிசியிடம் புகாா் அளித்துள்ளது.
சாம்பியன்ஸ் லீக் கால்பந்து போட்டியில் டாா்ட்மண்ட் அணி செவில்லாவையும் (3-2), போா்டோ அணி ஜுவென்டஸையும் (2-1) வீழ்த்தின.
இங்கிலீஷ் பிரீமியா் லீக் கால்பந்து போட்டியில் மான்செஸ்டா் சிட்டி அணி எவா்டன்னை (3-1) வீழ்த்த, பா்ன்லே-ஃபுல்ஹாம் இடையேயான ஆட்டம் டிரா (1-1) டிரா ஆனது.
இந்திய கிராண்ட் ஃப்ரீ தடகள போட்டியில் டூட்டி சந்த் 100 மீட்டா் ஓட்டத்தில் 11.51 விநாடிகளில் இலக்கை எட்டி முதலிடம் பிடித்தாா். கா்நாடகத்தின் தனேஷ்வரி (11.22), மகாராஷ்டிரத்தின் டியான்ட்ரா டட்லே (11.97) ஆகியோா் அடுத்த இரு இடங்களைப் பிடித்தனா்.
மான்டினீக்ரோவில் நடைபெறும் குத்துச்சண்டை போட்டியில் இந்தியாவின் அங்கித் நா்வால் 64 கிலோ பிரிவில் காலிறுதிச்சுற்றுக்கு முன்னேறினாா்.