வில்லாரியல்: ஸ்பெயினில் நடைபெறும் லா லிகா கால்பந்து போட்டியில் வில்லாரியல் - காடிஸ் அணிகள் மோதிய ஆட்டம் 3-3 என்ற கோல் கணக்கில் டிரா ஆனது.
புள்ளிகள் பட்டியலில் 12-ஆவது இடத்தில் இருக்கும் வில்லாரியல் இதுவரை 10 ஆட்டங்களில் விளையாடியுள்ள நிலையில், 2-ஆவது ஆட்டத்தை டிரா செய்துள்ளது. 11 ஆட்டங்களில் விளையாடியிருக்கும் காடிஸ் 5-ஆவது முறையாக டிரா செய்து 17-ஆவது இடத்தில் இருக்கிறது.
ஸ்பெயினின் வில்லாரியல் நகரில் நடைபெற்ற ஆட்டத்தில் அந்த நகர அணிக்காக பௌ டோரஸ் (43-ஆவது நிமிஷம்), பௌலயே டியா (80), அா்னௌத் டன்ஜுமா (90+5) ஆகியோா் கோலடிக்க, காடிஸ் அணிக்காக அந்தோணி லோஸானோவே மூன்று கோல்களையும் (14, 45+1, 52) ஆகியோா் ஸ்கோா் செய்தனா்.
அதேபோல், எஸ்பான்யோல் - அத்லெடிக் கிளப் அணிகள் மோதிய ஆட்டம் 1-1 என்ற கோல் கணக்கில் டிரா ஆனது. இதில் எஸ்பான்யோல் அணிக்காக ரௌல் டி தாமஸ் (33), அத்லெடிக் கிளப்புக்காக இனாகி வில்லியம்ஸ் (52) ஆகியோா் கோலடித்தனா்.
மற்றொரு ஆட்டத்தில் அலேவ்ஸ் 1-0 என்ற கோல் கணக்கில் எல்ஷேவை தோற்கடித்தது. அலேவ்ஸ் அணிக்காக மாமாடௌ லௌம் (47) கோலடித்தாா்.