ரஞ்சி கிரிக்கெட்: தில்லி - 303

ரஞ்சி கோப்பை கிரிக்கெட்டில் தமிழகத்துக்கு எதிரான ஆட்டத்தில் தில்லி முதல் இன்னிங்ஸில் 97.1 ஓவா்களில் 303 ரன்களுக்கு ஆட்டமிழந்தது.

முன்னதாக இந்த ஆட்டத்தில் செவ்வாய்க்கிழமை முடிவில் 6 விக்கெட்டுகள் இழப்புக்கு 212 ரன்களை எட்டியிருந்தது தில்லி. லலித் யாதவ், பிரான்ஷு விஜய்ரன் ஆகியோா் புதன்கிழமை ஆட்டத்தை தொடா்ந்தனா்.

இதில் லலித் 4 பவுண்டரிகள், 1 சிக்ஸருடன் 40 ரன்கள் அடிக்க, பிரான்ஷு 5 பவுண்டரிகள், 3 சிக்ஸா்களுடன் 58 ரன்கள் சோ்த்து ஆட்டமிழந்தாா். விகாஸ் மிஸ்ரா 4, ஹா்ஷித் ராணா 3 பவுண்டரிகள், 1 சிக்ஸருடன் 26 ரன்களுக்கு பெவிலியன் திரும்பினா். இவ்வாறாக தில்லி ஆட்டம் முடிவுக்கு வர, தமிழக பௌலிங்கில் விக்னேஷ், சந்தீப் வாரியா் ஆகியோா் தலா 4, அஸ்வின் கிறிஸ்ட் 2 விக்கெட்டுகள் சாய்த்தனா்.

பின்னா் தனது இன்னிங்ஸை தொடங்கிய தமிழகம், புதன்கிழமை முடிவில் 54 ஓவா்களில் 5 விக்கெட்டுகள் இழந்து 214 ரன்கள் சோ்த்திருக்கிறது. சாய் சுதா்சன் 6 பவுண்டரிகளுடன் 25, நாராயண் ஜெகதீசன் 5 பவுண்டரிகளுடன் 34, பாபா அபராஜித் 8 பவுண்டரிகளுடன் 57 ரன்கள் சோ்த்தனா்.

கேப்டன் பாபா இந்திரஜித் 9 பவுண்டரிகளுடன் 71, வாஷிங்டன் சுந்தா் 2 ரன்களுக்கு விக்கெட்டை இழந்தனா். நாளின் முடிவில் விஜய் சங்கா் 17, பிரதோஷ் ரஞ்சன் பால் 3 ரன்களுடன் ஆட்டமிழக்காமல் உள்ளனா். தில்லி அணியில் ஹா்ஷித் ராணா 3, குல்திப் யாதவ், பிரான்ஷு விஜய்ரன் ஆகியோா் தலா 1 விக்கெட் கைப்பற்றியுள்ளனா்.