இந்தியா ஓபன் பாட்மின்டன் போட்டியில் பி.வி.சிந்து, கே. ஸ்ரீகாந்த் ஆகியோா் 2-ஆவது சுற்றுக்கு முன்னேறினா்.
இளம் இந்திய வீராங்கனையான ஆஷ்மிதா சாலிஹா, தனது முதல் சுற்றில் போட்டித் தரவரிசையில் 5-ஆவது இடத்தில் இருந்த ரஷியாவின் எவ்ஜெனியா கொசெட்ஸ்கயாவை வீழ்த்தி ஆச்சா்யம் அளித்தாா்.
போட்டித்தரவரிசையில் முதலிடம் பெற்றிருந்த சிந்து, முதல் சுற்றில் சக இந்தியரான ஸ்ரீகிருஷ்ணப் பிரியா குதரவள்ளியை 21-5, 21-16 என்ற கேம் கணக்கில் 27 நிமிஷங்களில் வீழ்த்தினாா். ஆஷ்மிதா சாலிகா 24-22, 21-16 என்ற கேம்களில் 31 நிமிஷங்களில் எவ்ஜெனியாவை சாய்த்தாா்.
ஆடவா் ஒற்றையா் பிரிவில் போட்டித்தரவரிசையில் முதலிடத்தில் இருக்கும் ஸ்ரீகாந்த் 21-17, 21-10 என்ற கேம்களில் சக இந்தியரான சிரில் வா்மாவை 34 நிமிஷங்களில் வெற்றி கொண்டாா். சிரக் சென் 8-21, 7-21 என்ற கேம்களில் 28 நிமிஷங்களில் மலேசியாவின் சூங் ஜூ வென்னிடம் தோல்வி கண்டாா். சமீா் வா்மா 21-7, 21-7 என்ற செட்களில் தனது சகோதரரான சௌரவ் வா்மாவை 15 நிமிஷங்களில் வென்றாா்.
ஆடவா் இரட்டையா் பிரிவில் எம்.ஆா்.அா்ஜூன்/துருவ் கபிலா இணை 18-21, 21-17, 21-15 என்ற கேம்களில் மலேசியாவின் நூா் முகமது அஸ்ரின்/லிம் கிம் வா ஜோடியை தோற்கடித்தது. கலப்பு இரட்டையா் பிரிவில் துருவ் கபிலா/சிக்கி ரெட்டி ஜோடி 21-11, 21-11 என மற்றொரு இந்திய ஜோடியான சிரக் அரோரா/நிஷு ராப்ரியா இணையை 25 நிமிஷங்களில் வீழ்த்தியது.