புரோ கபடி லீக் (பிகேஎல்) போட்டியின் 9-ஆவது சீசன், தபங் டெல்லி கே.சி. - யு மும்பா அணிகள் மோதலுடன் வெள்ளிக்கிழமை தொடங்கியது. இந்த ஆட்டத்தில் டெல்லி 41-27 என்ற கணக்கில் மும்பாவை வென்றது.
பெங்களூரில் நடைபெற்ற இந்த ஆட்டத்தில் டெல்லி அணியில் அதிகபட்சமாக நவீன் குமாா் 13 புள்ளிகளைக் கைப்பற்ற, மும்பாவில் ஆஷிஷ் 7 புள்ளிகள் வென்றாா். மொத்தமாக டெல்லி 20 ரெய்டு புள்ளிகளும், 15 டேக்கிள் புள்ளிகளும், 4 ஆல் அவுட் புள்ளிகளும், 2 எக்ஸ்ட்ரா புள்ளிகளும் பெற்றது. மும்பா 15 ரெய்டு புள்ளிகளும், 12 டேக்கிள் புள்ளிகளும் கைப்பற்றியது.
மற்றொரு ஆட்டத்தில் பெங்களூரு புல்ஸ் 34-29 என தெலுகு டைட்டன்ஸை வீழ்த்தியது.