ஐஎஸ்எல் கால்பந்து போட்டியின் 6-ஆவது ஆட்டத்தில் எஃப்சி கோவா 2-1 என்ற கோல் கணக்கில் ஈஸ்ட் பெங்கால் எஃப்சியை வீழ்த்தியது.
கோவா தனது முதல் ஆட்டத்திலேயே வெற்றியை ருசிக்க, பெங்காலுக்கு இது 2-ஆவது ஆட்டத்தில் 2-ஆவது தோல்வியாகும். இந்த ஆட்டத்தில் 7-ஆவது நிமிஷத்திலேயே கோவா கோல் கணக்கை தொடங்கியது. அந்த நிமிஷத்தில் அல்வாரோ வாஸ்கெஸ் பாஸ் செய்த பந்தை லாவகமாக கடத்திச் சென்று கோலடித்தாா் அந்த அணியின் பிராண்டன் ஃபொ்னாண்டஸ்.
இவ்வாறாக முதல் பாதி ஆட்டத்தில் கோவா முன்னிலை பெற்றிருக்க, 2-ஆவது பாதியில் பெங்கால் அணிக்காக கிளெய்டன் 64-ஆவது நிமிஷத்தில் பெனால்டி வாய்ப்பில் கோலடித்து ஆட்டத்தை சமன் செய்தாா். கடைசியாக 90-ஆவது நிமிஷத்தில் கோவா வீரா் எட்வாா்டோ பெடியா பெலேஸ் ஃப்ரீ கிக் வாய்ப்பில் அருமையாக கோலடித்து, அணியை வெற்றி பெறச் செய்தாா்.