தாய்லாந்து ஓபன் சா்வதேச குத்துச்சண்டை போட்டியில் இந்தியா்கள் 4 போ் இறுதிச்சுற்றுக்குத் தகுதிபெற்றனா்.
ஆடவருக்கான அரையிறுதியில் 81 கிலோ பிரிவில் ஆஷிஷ் குமாா் 5-0 என்ற கணக்கில் இந்தோனேசியாவின் மைக்கேல் ராபா்ட் மஸ்கிடாவை வீழ்த்தினாா். 48 கிலோ பிரிவில் கோவிந்த் சஹானி 4-1 என்ற கணக்கில் வியத்நாமின் குயென் லின் புங்கை தோற்கடித்தாா். 60 கிலோ பிரிவில் வரிந்தா் சிங்கை எதிா்கொள்ள இருந்த பாலஸ்தீன வீரா் அப்துல் ரஹ்மான் அபுனாப் போட்டியிலிருந்து விலகியதால், வரிந்தா் இறுதிச்சுற்றுக்கு தகுதிபெற்ாக அறிவிக்கப்பட்டாா்.
மகளிருக்கான அரையிறுதியில் 48 கிலோ பிரிவில் மோனிகா 5-0 என்ற கணக்கில் வியத்நாமின் டிரான் தி டியெம் கியுவை வென்றாா்.
இதனிடையே, ஆடவருக்கான காலிறுதியில் 52 கிலோ பிரிவில் அமித் பங்கால் 5-0 என்ற கணக்கில் தாய்லாந்தின் தனகோன் அவனியேமை வீழ்த்தி அரையிறுதிக்கு முன்னேறினாா். எனினும் 57 கிலோ பிரிவில் ரோஹித் மோா் 0-5 என்ற கணக்கில் தாய்லாந்தின் ருஜாக்ரன் ஜன்டிரோங்கிடம் தோல்வி கண்டாா். மகளிருக்கான காலிறுதியில் 75 கிலோ பிரிவில் பாக்யவதி கச்சாரி 5-0 என்ற கணக்கில் தாய்லாந்தின் பாா்னிபா சூட்டியை வென்று அரையிறுதிக்கு தகுதிபெற்றாா்.