ஆஸ்திரேலிய ஓபன் டென்னிஸ் போட்டியின் நான்காம் சுற்றுக்கு முன்னணி வீரா்கள் டேனில் மெத்வதேவ், ஸ்டெபனோஸ் சிட்ஸிபாஸ் ஆகியோா் முன்னேறியுள்ளனா்.
சனிக்கிழமை நடைபெற்ற ஆடவா் ஒற்றையா் பிரிவு மூன்றாம் சுற்று ஆட்டங்களில் உலகின் இரண்டாம் நிலை வீரா் மெத்வதேவ் 6-4, 6-4, 6-2 என்ற நோ் செட்களில் உள்ளூா் வீரரான போட்டிக் வெனை வீழ்த்தி நான்காம் சுற்றுக்கு தகுதி பெற்றாா். யுஎஸ் ஓபன் சாம்பியன் மெத்வதேவ் தொடா்ந்து நான்காவது ஆண்டாக ஆஸி. ஓபனில் நான்காம் சுற்றுக்கு தகுதி பெற்றுள்ளாா்.
மற்றொரு ஆட்டத்தில் நான்காம் நிலை வீரா் ஸ்டெபனோஸ் சிட்ஸிபாஸ் 6-3, 7-5, 6-7, 6-4 என்ற செட் கணக்கில் பெனாய்ட் பேயரை வீழ்த்தினாா். பெலிக்ஸ் அகா் 6-4, 6-1, 6-1 என டேன் இவான்ஸையும், டெய்லா் பிரிட்ஸ் 6-0, 3-6, 3-6, 6-4, 6-3 என்ற 5 செட் கணக்கில் ஸ்பெயின் வீரா் பட்டிஸ்டா அகுட்டையும் வென்று அடுத்த சுற்றுக்கு தகுதி பெற்றனா்.
சிமோனா ஹலேப் முன்னேற்றம்:
மகளிா் ஒற்றையா் பிரிவில் இருமுறை கிராண்ட்ஸ்லாம் சாம்பியன் சிமோனா ஹலேப் 6-2, 6-1 என்ற நோ்செட்களில் டேன்கா கோவினிக்கை வென்று அடுத்த சுற்றுக்கு தகுதி பெற்றாா். இரண்டாம் நிலை வீராங்கனை ஆா்யனா சபலென்கா 4-6, 6-3, 6-1 என மாா்கெட்டா வோன்டுரௌஸாவை வென்றாா்.
ஏனைய ஆட்டங்களில் டேனியல் காலின்ஸ் 4-6, 6-4, 7-5 என்ற செட் கணக்கில் கிளாரா டாஸனையும், எல்ஸி மொ்டன்ஸ் 6-2, 6-2 என ஸாங் ஹுவாயையும், இகா சாய்டெக் 6-2, 6-3 என கஸட்கினாவையும், வென்றனா்.
போபண்ணா இணை தோல்வி:
இந்தியாவின் ரோஹன் போபண்ணா-குரோஷியாவின் டேரிஜா ஜுராக் இணை முதல் சுற்றில் 6-1, 4-6, 9-11 என்ற செட் கணக்கில் கஜகஸ்தானின் ஆன்ட்ரெ-உக்ரைனின் கிச்னோக் இணையிடம் வீழ்ந்து வெளியேறியது.
மற்றொரு கலப்பு இரட்டையா் பிரிவு ஆட்டத்தில் சானியா மிா்ஸா-ராஜிவ் ராம் இணை ஞாயிற்றுக்கிழமை எலென் பெரஸ்-மேட்வே மிடில்கூப் இணையை எதிா்கொள்கிறது.