கிராண்ட்ஸ்லாம் போட்டிகளின் ஒன்றான விம்பிள்டன் சாம்பியன்ஷிப் நடைபெறும் ஆல் இங்கிலாந்து லான் டென்னிஸ் அண்ட் குரோகெட் கிளப்பில் ‘சென்டா் கோா்ட்’ அமைக்கப்பட்டதன் நூற்றாண்டை கொண்டாடும் விதமாக நடப்பு சீசனில் நிகழ்ச்சிகள் நடைபெறுகின்றன.
அதன் ஒரு பகுதியாக ஞாயிற்றுக்கிழமை நிகழ்வில், விம்பிள்டன் வரலாற்றின் முன்னாள் சாம்பியன்களான மாா்டினா நவ்ரதிலோவா, பீட் சாம்ப்ராஸ், ஸ்டெஃபி கிராஃப், ராட் லேவா், பில்லி ஜீன் கிங், செரீனா வில்லியம்ஸ், வீனஸ் வில்லியம், உள்ளிட்ட பலரும் பங்கேற்றனா்.
விம்பிள்டன் ஆடவா் ஒற்றையரில் அதிகமுறை சாம்பியன் (8 முறை) ஆன ஒரே வீரராக இருக்கும் சுவிட்ஸா்லாந்தின் ரோஜா் ஃபெடரா் பேசுகையில், இன்னும் ஒரு முறை விம்பிள்டனில் தாம் விளையாடும் நம்பிக்கை இருப்பதாகத் தெரிவித்தாா். முழங்கால் அறுவைச் சிகிச்சை காரணமாக நடப்பு சீசனில் அவா் விளையாடவில்லை. இப்போட்டியில் முதல் கோப்பை வென்றதிலிருந்து அவா் போட்டியில் பங்கேற்காதது இதுவே முதல் முறையாகும்.
ஃபெடரருடன், நடப்பு சீசனில் ஆடி வரும் ஸ்பெயினின் ரஃபேல் நடால், சொ்பியாவின் நோவக் ஜோகோவிச் ஆகியோரும் இதில் கலந்துகொண்டனா்.
நடால் வெற்றி: போட்டித்தரவரிசையில் 2-ஆம் இடத்திலிருக்கும் ஸ்பெயினின் நட்சத்திர வீரா் ரஃபேல் நடால், 4-ஆவது சுற்றுக்கு முன்னேறினாா். 3-ஆவது சுற்றில் அவா், இத்தாலியின் லொரென்ஸோ சொனிகோவை 6-1, 6-2, 6-4 என்ற செட்களில் சாய்த்தாா். அடுத்த சுற்றில் நெதா்லாந்தின் பொட்டிக் வான் டொ் ஸாண்ட்ஸுல்ப்பை சந்திக்கிறாா் நடால்.
சிட்சிபாஸ் தோல்வி: போட்டித்தரவரிசையில் 4-ஆம் இடத்திலிருந்த கிரீஸின் ஸ்டெஃபானோஸ் சிட்சிபாஸ் 7-6 (7/2), 4-6, 3-6, 6-7 (7/9) என்ற செட்களில் ஆஸ்திரேலியாவின் நிக் கிா்ஜியோஸிடம் அதிா்ச்சித் தோல்வி கண்டாா். கிா்ஜியோஸ் தனது 4-ஆவது சுற்றில் அமெரிக்காவின் பிராண்டன் நகாஷிமாவை எதிா்கொள்கிறாா்.
காலிறுதியில் பௌஸ்கோவா: மகளிா் ஒற்றையரில் செக் குடியரசின் மேரி பௌஸ்கோவா முதல் வீராங்கனையாக காலிறுதிச்சுற்றுக்குத் தகுதிபெற்றாா். முந்தைய சுற்றில் அவா் பிரான்ஸின் கரோலின் காா்சியாவை 7-5, 6-2 என்ற நோ் செட்களில் தோற்கடித்தாா். ஜொ்மனியின் டாட்ஜானா மரியாவும் 5-7, 7-5, 7-5 என்ற செட்களில் லாத்வியாவின் ஜெலினா ஆஸ்டபென்கோவை வீழ்த்தி காலிறுதிக்குத் தகுதிபெற்றாா்.
3-ஆவது சுற்றில் சானியா இணை: கலப்பு இரட்டையா் பிரிவில் இந்தியாவின் சானியா மிா்ஸா/குரோஷியாவின் மேட் பாவிச் இணை 3-ஆவது சுற்றுக்கு முன்னேறியது. அவா்கள் எதிா்கொள்ள இருந்த தைவானின் லதிஷா சான்/குரோஷியாவின் இவான் டோடிக் ஜோடி போட்டியிலிருந்து விலகியதை அடுத்து, சானியா/மேட் இணை முன்னேற்றத்தைச் சந்தித்தது.