சிங்கப்பூா் ஓபன் பாட்மின்டன் போட்டியில் இந்தியாவின் பி.வி.சிந்து அரையிறுதிச்சுற்றுக்கு முன்னேற, மற்ற இரு முக்கிய போட்டியாளா்களான சாய்னா நெவால், ஹெச்.எஸ்.பிரணாய் காலிறுதியில் தோற்றனா்.
மகளிா் ஒற்றையா் காலிறுதியில், போட்டித்தரவரிசையில் 3-ஆம் இடத்திலிருக்கும் சிந்து, சீனாவின் ஹான் யுவின் சவாலை 1 மணி நேரம் 2 நிமிஷங்களில் முறியடித்து 17-21, 21-11, 21-19 என்ற கேம்களில் அவரை வீழ்த்தினாா். இதன் மூலம் கடந்த மே மாதத்துக்குப் பிறகு முதல் முறையாக ஒரு போட்டியின் அரையிறுதிக்கு அவா் முன்னேறியிருப்பது குறிப்பிடத்தக்கது.
அரையிறுதியில் சிந்து, ஜப்பான் வீராங்கனை சேனா கவாகமியை எதிா்கொள்கிறாா். இதுவரை சேனாவை இரு முறை சந்தித்திருக்கும் சிந்து, இரண்டிலுமே வென்றிருக்கிறாா்.
தற்போது இப்போட்டியின் களத்தில் இருக்கும் ஒரே இந்தியா் சிந்து ஆவாா். மற்றொரு இந்தியரான சாய்னா நெவால் 13-21, 21-15, 20-22 என்ற கேம்களில் ஜப்பானின் அயா ஒஹோரியிடம் தோல்வி கண்டாா். நீண்ட நாள்களுக்குப் பிறகு இப்போட்டியின் மூலம் தனது பழைய ஃபாா்மை சற்று எட்டிய சாய்னா, அயாவிடம் 1 மணி நேரம் 3 நிமிஷம் போராடி வீழ்ந்தாா். அதேபோல், ஆடவா் ஒற்றையரில் ஹெச்.எஸ்.பிரணாய் 21-12, 14-21, 18-21 என்ற கேம்களில் ஜப்பானின் கொடாய் நராவ்காவிடம் வெற்றியை இழந்தாா்.
இதன் மூலம் கடந்த சில போட்டிகளிலும் காலிறுதி, அரையிறுதியுடன் வெளியேறிய பிரணாயின் பயணம், தற்போதும் அவ்வாறே நீடிக்கிறது. ஆடவா் இரட்டையரிலும் எம்.ஆா்.அா்ஜுன்/துருவ் கபிலா இணை 21-10, 18-21, 17-21 என்ற கேம்களில் இந்தோனேசியாவின் முகமது அசான்/ஹெந்த்ரா சேதியாவன் கூட்டணியிடம் தோற்றது.