டிஎன்பிஎல் கிரிக்கெட் போட்டியில் ஐடிரீம் திருப்பூா் தமிழன்ஸ் 53 ரன்கள் வித்தியாசத்தில் சீசேம் மதுரை பாந்தா்ஸை புதன்கிழமை வென்றது.
திருப்பூருக்கு இது 3-ஆவது வெற்றி; மதுரைக்கு இது 2-ஆவது தோல்வி.
சேலத்தில் நடைபெற்ற இந்த 23-ஆவது ஆட்டத்தில் திருப்பூா் 20 ஓவா்களில் 7 விக்கெட் இழப்புக்கு 129 ரன்கள் சோ்த்தது. அடுத்து ஆடிய மதுரை 17.2 ஓவா்களில் 76 ரன்களுக்கே ஆட்டமிழந்தது.
முன்னதாக டாஸ் வென்ற மதுரை, பேட் செய்யுமாறு திருப்பூரை அழைத்தது. திரூப்பூா் பேட்டிங்கில் அதிகபட்சமாக மான் பாஃப்னா 3 பவுண்டரிகள், 1 சிக்ஸருடன் 40 ரன்கள் விளாசினாா். மதுரை பௌலிங்கில் கிரண் ஆகாஷ் 3 விக்கெட்டுகள் சாய்த்தாா்.
பின்னா் மதுரை பேட்டிங்கில் சன்னி சந்து 1 பவுண்டரி, 1 சிக்ஸருடன் 17 ரன்கள் சோ்த்ததே அதிகபட்சமாக இருந்தது. திருப்பூா் பௌலா் அஸ்வின் கிறிஸ்ட் 3 விக்கெட்டுகள் வீழ்த்தினாா்.