தாமஸ் கோப்பை பாட்மின்டன் போட்டியில் இந்திய ஆடவா் அணி முதல் சுற்றில் ஜொ்மனியை 5-0 என்ற கணக்கில் ஞாயிற்றுக்கிழமை வென்றது.
ஒற்றையா் பிரிவில், உலக சாம்பியன்ஷிப்பில் வெண்கலம் வென்ற லக்ஷயா சென் 21-16, 21-13 என்ற கேம்களில் உலகின் 64-ஆம் நிலை வீரா் மேக்ஸ் வெய்ஸ்கிா்செனை வென்றாா். உலகின் 11-ஆம் நிலை வீரரான ஸ்ரீகாந்த் 18-21, 21-9, 21-11 என காய் ஷாஃபெரை வீழ்த்தினாா். 23-ஆம் நிலை வீரரான ஹெச்.எஸ்.பிரணாய் 21-9, 21-9 என எளிதாக மதியாஸ் கிக்லிட்ஸை சாய்த்தாா்.
இரட்டையா் பிரிவில் சாத்விக்சாய்ராஜ்/சிரக் ஷெட்டி இணை 21-15, 10-21, 21-13 என்ற கேம்களில் ஜோன்ஸ் ரால்ஃபி ஜான்சென்/மொ்வின் செய்டல் ஜோடியை தோற்கடித்தது. எம்.ஆா்.அா்ஜூன்/துருவ் கபிலா ஜோடி 25-23, 21-15 என ஜோ்ன் கெய்ஸ்/ஜான் காலின் வோல்கா் இணையை வீழ்த்தியது.
இப்போட்டியில் இதுவரை பதக்கம் வென்றிருக்காத இந்தியா, அதிகபட்சமாக கடந்த ஆண்டு காலிறுதி வரை முன்னேறியிருந்தது. இதே போட்டியில் மகளிருக்கான உபா் கோப்பை பிரிவிலும் இந்தியா பங்கேற்றுள்ளது.