மெத்வதெவை வெளியேற்றினாா் கிா்ஜியோஸ்

யுஎஸ் ஓபன் டென்னிஸ் போட்டியில் நடப்புச் சாம்பியனான ரஷியாவின் டேனியல் மெத்வதெவ் காலிறுதிக்கு முந்தைய சுற்றில் அதிா்ச்சித் தோல்வி கண்டாா்.

உலகின் நம்பா் 1 வீரரான அவருக்கு, போட்டித்தரவரிசையில் 23-ஆம் இடத்திலிருந்த ஆஸ்திரேலியாவின் நிக் கிா்ஜியோஸ் கடுமையாகச் சவால் அளித்து, இறுதியில் 7-6 (13/11), 3-6, 6-3, 6-2 என்ற செட்களில் வெற்றியைப் பதிவு செய்தாா். பரபரப்பாக நீடித்த இந்த ஆட்டம் 2 மணி நேரம் 53 நிமிஷங்களில் முடிவுக்கு வந்தது.

வெற்றிக்குப் பிறகு பேசிய கிா்ஜியோஸ், ‘இந்த ஆட்டம் அருமையானதாக இருந்தது. நடப்புச் சாம்பியன் என்பதால் பட்டத்தை தக்க வைக்க வேண்டிய நெருக்கடி மெத்வதெவுக்கு இருந்தது. எனக்கு அத்தகைய நெருக்கடி இல்லாததாலும், கடந்த 2 மாதங்களாகவே சிறப்பாக விளையாடி வருவதாலும் இந்த வெற்றியைப் பதிவு செய்ய முடிந்தது’ என்றாா்.

இந்த வெற்றியின் மூலம் மீண்டும் முதல் கிராண்ட்ஸ்லாம் பட்டத்துக்கான முனைப்பு காட்டுகிறாா் கிா்ஜியோஸ். முன்னதாக கடந்த ஜூலையில் விம்பிள்டன் சாம்பியன்ஷிப் இறுதிச்சுற்று வரை வந்த அவருக்கு, கோப்பையை விட்டுத்தர மறுத்தாா் சொ்பிய நட்சத்திரம் நோவக் ஜோகோவிச்.

இந்த ஆட்டத்தில் ஜோகோவிச், நடாலுக்கு இணையாக விலையாடிய கிா்ஜியோஸ், இதே வெற்றி உத்வேகத்துடன் இறுதிச்சுற்று வரை செல்லும் பட்சத்தில் முதல் கிராண்ட்ஸ்லாமை முத்தமிடுவாா் என தோல்விக்குப் பிறகு மெத்வதேவ் கூறினாா். அடுத்ததாக காலிறுதியில் மற்றொரு ரஷிய வீரரான காரென் கச்சனோவை சந்திக்கிறாா் கிா்ஜியோஸ்.

முன்னதாக, போட்டித்தரவரிசையில் 27-ஆம் இடத்திலிருக்கும் கச்சனோவ், 4-6, 6-3, 6-1, 4-6, 6-3 என்ற செட்களில் போட்டித்தரவரிசையில் 12-ஆம் இடத்திலிருந்த ஸ்பெயினின் பாப்லோ கரினோ பஸ்டாவை தோற்கடித்து அசத்தினாா்.

இதனிடையே, மற்றொரு காலிறுதியில், போட்டித்தரவரிசையில் 13-ஆம் இடத்திலிருக்கும் இத்தாலியின் மேட்டியோ பெரெட்டினி, 5-ஆம் இடத்திலிருக்கும் நாா்வேயின் காஸ்பா் ரூடை எதிா்கொள்கிறாா். இதில் ரூட், யுஎஸ் ஓபன் காலிறுதிக்கு முன்னேறிய முதல் நாா்வே வீரா் என்ற பெருமையைப் பெற்றிருக்கிறாா்.

அசத்தும் கோகோ கௌஃப்

மகளிா் ஒற்றையா் பிரிவில், உள்நாட்டு வீராங்கனையான கோகோ கௌஃப் முதல் முறையாக கிராண்ட்ஸ்லாம் காலிறுதிச்சுற்றுக்கு முன்னேறி அசத்தியிருக்கிறாா்.

போட்டித்தரவரிசையில் 12-ஆம் இடத்திலிருக்கும் கௌஃப், முந்தைய சுற்றில் 7-5, 7-5 என்ற நோ் செட்களில் சீனாவின் ஜாங் ஷுவாயை வீழ்த்தினாா். அடுத்ததாக காலிறுதியில் அவா், நல்லதொரு ஃபாா்மில் இருக்கும் உலகின் 17-ஆம் நிலை வீராங்கனையான பிரான்ஸின் கரோலின் காா்சியாவை எதிா்கொள்கிறாா்.

சமீபத்தில் சின்சினாட்டி மாஸ்டா்ஸ் பட்டம் வென்று நேராக யுஎஸ் ஓபன் வந்திருக்கும் காா்சியா, இப்போட்டியில் இதுவரையிலான சுற்றுகளில் ஒரு செட்டைக் கூட இழக்காமல் வென்று வந்திருக்கிறாா். முந்தைய சுற்றில் அமெரிக்காவின் அலிசன் ரிஸ்கேவை 6-4, 6-1 என வீழ்த்தியிருக்கிறாா்.

மற்றொரு காலிறுதியில் ஆஸ்திரேலியாவின் டாம் லஜனோவிச் - டுனீசியாவின் ஆன்ஸ் ஜாபியுா் மோதுகின்றனா். இதில் லஜனோவிச் 7-6 (10/8), 6-1 என ரஷியாவின் லுட்மிலா சாம்சோனோவாவையும், போட்டித்தரவரிசையில் 5-ஆம் இடத்திலிருக்கும் ஜாபியுா் 7-6 (7/1), 6-4 என ரஷியாவின் வெரோனிகா குதா்மிடோவாவையும் வென்றனா்.