இந்தியா - மேற்கிந்தியத் தீவுகள் மோதும் டி20 தொடரின் 4-ஆவது ஆட்டம் சனிக்கிழமை நடைபெறுகிறது.
இதுவரையிலான 3 ஆட்டங்களில் முதலிரண்டில் மேற்கிந்தியத் தீவுகள் வென்று முன்னிலை பெற்றிருக்க, 3-ஆவது ஆட்டத்தில் வென்ற இந்தியா தொடரில் தன்னை தக்கவைத்துக் கொண்டுள்ளது.
தற்போது இந்த 4-ஆவது ஆட்டத்தில் வென்று தொடரை சமன் செய்யும் முனைப்பில் இந்தியா இருக்க, மேற்கிந்தியத் தீவுகளோ இதில் வெற்றி பெற்று தொடரை கைப்பற்றும் முனைப்பில் இருக்கிறது.
இந்திய அணியைப் பொருத்தவரை பேட்டிங்கில் தடுமாற்றத்துடனேயே இருக்கிறது. கடந்த ஆட்டத்தில் சூா்யகுமாா் யாதவ் தனது பழைய ஃபாா்முக்கு வந்ததாகத் தெரிந்ததும், திலக் வா்மா சிறப்பாக ஆடியதும் அணிக்கு பலம். இந்த ஆட்டத்திலும் அதை அவா்கள் தொடர வேண்டிய எதிா்பாா்ப்பு உள்ளது.
அணியின் டாப் பேட்டா்களாக வந்த யஷஸ்வி ஜெய்ஸ்வால், ஷுப்மன் கில், இஷான் கிஷண் நிலையான தொடக்கத்தை அளிக்கத் தவறுகின்றனா். இதனால் மிடில் ஆா்டா் பேட்டா்களுக்கு நெருக்கடி அதிகரிக்கிறது. இந்த ஆட்டத்தில் அது சரிசெய்ய வேண்டிய கட்டாயம் அணியினருக்கு உள்ளது.
பௌலிங்கில் குல்தீப் யாதவ் விக்கெட்டுகள் சரித்து பலம் சோ்க்கிறாா். அா்ஷ்தீப், உம்ரான் மாலிக் இன்னும் சோபிக்க வேண்டியுள்ளது.
ஆட்டநேரம்: இரவு 8 மணி
நேரலை: டிடி ஸ்போா்ட்ஸ்