இந்திய அணியின் நட்சத்திர வீரரான விராட் கோலி இன்ஸ்டாகிராமில் அதிகம் பின் தொடரப்படும் இந்தியர் என்ற புதிய சாதனையைப் படைத்துள்ளார்.
இன்ஸ்டாகிராமில் விராட் கோலியினை 250 மில்லியன் பேர் (25 கோடி) பின் தொடர்கின்றனர். இதன்மூலம், 25 கோடி பேரால் பின் தொடரப்படும் ஒரே இந்தியர் என்ற சாதனையைப் படைத்துள்ளார். இன்ஸ்டாகிராமில் அதிகம் பின் தொடர்பவர்களைக் கொண்டவர்கள் பட்டியலில் கிறிஸ்டியானோ ரொனால்டோ முதல் இடத்திலும், லியோனல் மெஸ்ஸி இரண்டாவது இடத்திலும் உள்ளனர். தற்போது, இவர்களைத் தொடர்ந்து அதிகம் பின் தொடர்பவர்களைக் கொண்டுள்ளவர்கள் பட்டியலில் மூன்றாமிடம் பிடித்துள்ளார் விராட் கோலி.
இந்த ஆண்டு ஐபிஎல் சீசனில் விராட் கோலி தனது சிறப்பான ஆட்டத்தை வெளிப்படுத்தினார். 14 போட்டிகளில் விளையாடிய அவர் 639 ரன்கள் குவித்தார். அவரது சராசரி 53.25 ஆகும். அவரது ஸ்டிரைக் ரேட் 139-க்கும் அதிகமாக உள்ளது. இந்த ஐபிஎல் சீசனில் விராட் கோலி தொடர்ச்சியாக இரு சதங்கள் விளாசியது குறிப்பிடத்தக்கது.