முதல் அரையிறுதியில் நியூசிலாந்து பந்துவீச்சு தேர்வு: இங்கிலாந்து அணியில் மாற்றம்

இங்கிலாந்துடனான முதல் அரையிறுதி ஆட்டத்தில் டாஸ் வென்ற நியூசிலாந்து முதலில் பந்துவீச்சைத் தேர்வு செய்துள்ளது. 

டி20 உலகக் கோப்பையின் முதல் அரையிறுதி ஆட்டத்தில் இங்கிலாந்து, நியூசிலாந்து அணிகள் விளையாடுகின்றன. டாஸ் வென்ற நியூசிலாந்து கேப்டன் கேன் வில்லியம்சன் முதலில் பந்துவீச்சைத் தேர்வு செய்தனர். அந்த அணியில் மாற்றம் எதுவும் செய்யப்படாமல் கடந்த ஆட்டத்தில் விளையாடிய அதே வீரர்களுடன் களமிறங்குகிறது.

இங்கிலாந்து அணியில் ஜேசன் ராய் காயம் காரணமாக விலகியதையடுத்து, அவருக்குப் பதில் சாம் பில்லிங்க்ஸ் அணியில் சேர்க்கப்பட்டுள்ளார். ஜானி பேர்ஸ்டோவ் தொடக்க ஆட்டக்காரராகக் களமிறங்குகிறார்.