கூடங்குளம் 2-வது அணு உலையில் டிசம்பர் 25ல் மின் உற்பத்தி தொடங்கும் என எதிர்ப்பார்ப்பு

கூடங்குளம் 2-வது அணு உலையில் டிசம்பர் 25-ம் தேதி மின் உற்பத்தி தொடங்கும் என எதிர்ப்பார்க்கப்படுகிறது.

கூடங்குளம் முதலாவது அணு உலையில் நீடித்து வரும் பராமரிப்புப் பணிகள் காரணமாக, 2-வது அணு உலையில் மின் உற்பத்தி செய்வதில் தொடர்ந்து சிக்கல் ஏற்பட்டுள்ளது. இதனால், மின் உற்பத்தி பெரிதும் பாதிக்கப்பட்டுள்ளது.

இந்நிலையில், முதலாவது அணு உலையில் பராமரிப்புப் பணிகள் முடிவடைந்து நவம்பர் 19-ம் தேதி மின் உற்பத்தி தொடங்கப்படும் என அறிவித்திருந்தது. ஆனால் பராமரிப்புப் பணிகள் முழுவதும் நிறைவடையாத நிலையில் டிசம்பர் 25-ம் தேதி மீண்டும் தொடங்கப்படும் என்று அறிவிக்கப்பட்டுள்ளது.

இரண்டாவது உலையில் மின் உற்பத்தி 2016-17 முதல் காலாண்டில் நடக்கும் என்றும், டிசம்பர் மாதம் முதல் 1000 மெகாவாட் மின் உற்பத்தி தொடங்கப்படும் என்று என்பிசிஐஎல் தெரிவித்துள்ளது.