காவிரி பிரச்னையில் நல்ல முடிவு கிடைக்க வேண்டும்: ஜி.கே.வாசன்

காவிரி மேலாண்மை வாரியம் அமைக்கும் விவகாரத்தில் தமிழகத்துக்கு நல்ல முடிவு கிடைக்க வேண்டும் என்று தமாகா தலைவர் ஜி.கே.வாசன் வலியுறுத்தியுள்ளார்.
இதுதொடர்பாக வியாழக்கிழமை அவர் வெளியிட்ட அறிக்கை: 
மத்திய அரசு காவிரி மேலாண்மை வாரியத்தை அமைக்க வேண்டும் என்று வலியுறுத்தி தமாகா சார்பில் வெள்ளிக்கிழமை (ஏப்.6) திருச்சியில் உண்ணாவிரதம் நடைபெற உள்ளது. காவிரி நதிநீர் பகிர்வு தொடர்பாக வரும் 9 -ஆம் தேதி உரிய உத்தரவு பிறப்பிக்கப்படும் என்று உச்ச நீதிமன்றம் அறிவித்துள்ளது. 
இந்த அறிவிப்பை நம்பி காத்திருக்கும் விவசாயிகளுக்கும், பொதுமக்களுக்கும் நல்ல முடிவு கிடைக்க வேண்டும் என்று வாசன் தெரிவித்துள்ளார்.