அமெரிக்காவில் முதல்வர் எடப்பாடி பழனிசாமி முன்னிலையில் மேலும் 19 நிறுவனங்கள் ஒப்பந்தம்

அமெரிக்க பயணத்தில் தமிழகத்துக்கு மேலும் ரூ.2 ஆயிரத்து 300 கோடிக்கு தொழில் முதலீடுகளை முதல்வர் எடப்பாடி பழனிசாமி ஈர்த்தார். 

வெளிநாட்டு முதலீடுகளை திரட்ட முதல்வர் எடப்பாடி பழனிசாமி தலைமையிலான குழு அமெரிக்கா சென்றுள்ளது. இந்நிலையில் தமிழகத்தில் தொழில் தொடங்க, சான்பிரான்சிஸ்கோவில் ரூ.2300 கோடி அளவிற்கு 19 நிறுவனங்களுடன் ஒப்பந்தம் கையெழுத்தாகி உள்ளது. 

ஏற்கெனவே நியூயார்க்கில் ரூ.2780 கோடி அளவிற்கு 16 நிறுவனங்களுடன் தொழில் தொடங்க ஒப்பந்தம் கையெழுத்தாகி உள்ள நிலையில், தற்போது மேலும் ரூ.2300 கோடிக்கு ஒப்பந்தம் கையெழுத்தாகி உள்ளது.