புதுவை மக்களவைத் தொகுதி தேர்தலில் என்.ஆர்.காங்கிரஸ் வேட்பாளராக கே.நாராயணசாமி போட்டியிட உள்ளதாக அக்கட்சியின் தலைவர் என்.ரங்கசாமி இன்று அறிவித்துள்ளார்.
தமிழகம் மற்றும் புதுச்சேரியில் 40 மக்களவைத் தொகுதிகளுக்கு ஏப்ரல் 18ஆம் தேதி ஒரே கட்டமாக தேர்தல் நடைபெறுகிறது. இத்துடன் தமிழகத்தில் காலியாக இருக்கும் 18 சட்டசபை தொகுதிகளுக்கும் தேர்தல் நடத்தப்படவுள்ளது. இத்தேர்தலில் தமிழகத்தில் அதிமுக-பாஜக-பாமக கூட்டணி கட்சிகள் ஓர் அணியாகவும், திமுக-காங்கிரஸ் கூட்டணி கட்சிகள் மற்றொரு அணியாகவும் போட்டியிடுகின்றன.
இதில் புதுச்சேரி மக்களவைத் தொகுதி திமுக கூட்டணியில் காங்கிரசுக்கும், அதிமுக கூட்டணியில் என்ஆர் காங்கிரஸ் கட்சிக்கும் ஒதுக்கப்பட்டுள்ளது. புதுச்சேரி மக்களவைத் தொகுதியில் காங்கிரஸ் சார்பில் சபாநாயகராக இருந்த வைத்திலிங்கம் போட்டியிடுவார் என ஏற்கெனவே அறிவிக்கப்பட்ட நிலையில் என்.ஆர்.காங்கிரஸ் வேட்பாளர் அறிவிக்கபடாமல் இருந்தது.
இந்நிலையில் புதுவை மக்களவைத் தொகுதி தேர்தலில் என்.ஆர்.காங்கிரஸ் வேட்பாளராக கே.நாராயணசாமி போட்டியிடுவார் என அறிவிக்கப்பட்டுள்ளது. இதனை அக்கட்சியின் தலைவர் என்.ரங்கசாமி இன்று அறிவித்துள்ளார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.