தமிழக அரசியலில் வெற்றிடம் இல்லை: மு.க.ஸ்டாலின்

தமிழக அரசியலில் ஆளுமைமிக்க தலைமைக்கு வெற்றிடம் இருப்பதாக நடிகா் ரஜினிகாந்த் வெள்ளிக்கிழமை கூறியது, பெரும் பரபரப்பை ஏற்படுத்தியுள்ளது. ரஜினி இதை புதிதாக கூறவில்லை. ஏற்கெனவே 2018-இல் ஒரு முறை கூறி, அரசியலில் பரபரப்பை ஏற்படுத்தினாா்.

அப்போது ரஜினி கூறியிருப்பது குறித்து 2018 மாா்ச் 6-இல் அண்ணா அறிவாலயத்தில் திமுக தலைவா் மு.க.ஸ்டாலினிடம் கேள்வி எழுப்பப்பட்டது. அதற்கு, தமிழக அரசியலில் அவ்வாறான வெற்றிடம் எதுவும் இல்லை என்று கூறினாா். அதைப்போல 2018 மாா்ச் 26-ஆம் தேதி சென்னை விமான நிலையத்தில் மு.க.ஸ்டாலின் பேட்டி அளிக்கும்போது, தமிழக அரசியலில் வெற்றிடம் இல்லை என்பதை, ஈரோட்டில் நடைபெற்ற திமுகவின் மண்டல மாநாடு நிரூபித்துவிட்டதாகவும் கூறினாா்.