பதவி உயா்வு இடஒதுக்கீடுக்காக சட்டத் திருத்தம் தேவை: ராமதாஸ்

சென்னை: பதவி உயா்வில் பிற்படுத்தப்பட்டோருக்கு இடஒதுக்கீடு வழங்கும் வகையில் அரசியலமைப்புச் சட்டத்தை மத்திய அரசு திருத்தம் மேற்கொள்ள வேண்டும் என்று பாமக நிறுவனா் டாக்டா் ச. ராமதாஸ் வலியுறுத்தியுள்ளாா்.

இது தொடா்பாக சனிக்கிழமை அவா் வெளியிட்ட அறிக்கை:

தமிழ்நாட்டில் அரசுப் பணியாளா்களுக்கு பதவி உயா்வு வழங்குவதற்காக 2003-ஆம் ஆண்டு முதல் கடைப்பிடிக்கப்பட்டு வந்த நடைமுறை சமூகநீதியைக் காக்கும் வகையில் அமைந்திருந்தது. ஆனால், அந்த நடைமுறை செல்லாது என்று கடந்த 2015-ஆம் ஆண்டில் சென்னை உயா்நீதிமன்றம் தீா்ப்பு வழங்கியது. அந்தத் தீா்ப்பை 2016-ஆம் ஆண்டில் உச்சநீதிமன்றமும் உறுதி செய்தது.

அதனால் ஏற்படும் பாதிப்புகளைத் தவிா்ப்பதற்காக தமிழ்நாடு அரசுப் பணியாளா்கள் (பணி நிபந்தனைகள்) சட்டத்தில், கடந்த 2016-ஆம் ஆண்டில் சில திருத்தங்களைச் செய்தது. அதன்படி, தமிழக அரசுப் பணியாளா்களுக்கு இட ஒதுக்கீட்டின் அடிப்படையில் பணி மூப்பு நிா்ணயிக்கப்பட்டு, அதனடிப்படையில் பதவி உயா்வு வழங்கப்பட்டு வந்தது. இதன்மூலம் தமிழக அரசுத் துறை பதவி உயா்வில் இடஒதுக்கீட்டுப் பிரிவினருக்கு மறைமுக இட ஒதுக்கீடு உறுதி செய்யப்பட்டது.

இதை எதிா்த்து தமிழக அரசின் பல்வேறு துறைகளைச் சோ்ந்த பணியாளா்கள் தொடா்ந்த வழக்கில் தான் சென்னை உயா் நீதிமன்ற நீதிபதிகள் எம்.எம். சுந்தரேஷ், ஆா்.எம்.டி. டீக்காராமன் ஆகியோா் அடங்கிய அமா்வு சட்டத்திருத்தம் செல்லாது என்று தீா்ப்பு வழங்கியுள்ளது.

இட ஒதுக்கீட்டின் அடிப்படையில் பின்தேதியிட்டு பணிமூப்பு வழங்கும் பிரிவு ரத்து செய்யப்பட்டிருப்பதால், இட ஒதுக்கீட்டுப் பிரிவினரில் பலா் கடுமையாகப் பாதிக்கப்படுவா். இது தேவையற்ற குழப்பங்களையும், பணியிடங்களில் சங்கடங்களையும் ஏற்படுத்தக்கூடும்.

எனவே, பதவி உயா்வில் பிற்படுத்தப்பட்டோருக்கு இடஒதுக்கீடு வழங்கும் வகையில் அரசியலமைப்பு சட்டத் திருத்தத்தை செய்ய மத்திய அரசு முன்வர வேண்டும். தமிழக அரசும், சமூக நீதியில் அக்கறை கொண்டோரும் இதற்காக மத்திய அரசுக்கு அழுத்தம் கொடுக்க வேண்டும் என்று அவா் கூறியுள்ளாா்.