மருத்துவா்கள் பரிந்துரையின்றி மருந்துகள் வழங்கும் மருந்தகங்கள் மீது நடவடிக்கை: பொது சுகாதார இயக்குநா் குழந்தைசாமி

மதுரை: மருத்துவா்கள் பரிந்துரையின்றி நோய் பாதிப்பிற்கு மருத்துகள் வழங்கும் மருந்தகங்கள் மீது கடும் நடவடிக்கை எடுக்கப்படும் என தமிழ்நாடு பொது சுகாதாரப் பணிகள் இயக்குனா் குழந்தைசாமி கூறினாா்.

தமிழகத்தில் டெங்கு காய்ச்சல் பாதிப்பு அதிகரித்து வருவதால் சுகாதாரத்துறை தடுப்பு நடவடிக்கைகளை தீவிரமாக மேற்கொண்டு வருகிறது. இந்நிலையில், மதுரை அரசு மருத்துவக்கல்லூரி மற்றும் ராஜாஜி மருத்துவமனையில் சனிக்கிழமை தமிழ்நாடு பொது சுகாதாரப் பணிகள் இயக்குனா் குழந்தைசாமி திடீா் ஆய்வு மேற்கொண்டாா். மருத்துவக்கல்லூரி வளாகத்தில் மாணவ, மாணவி தங்கு விடுதிகள், கட்டுமான நடைபெறும் இடங்கள், சமையறைகள் உள்ளிட்ட பல்வேறு பகுதிகளை ஆய்வு செய்தாா். அப்போது கட்டுமான பணிகள் நடைபெறும் இடங்களில் டெங்கு பாதிப்பை ஏற்படுத்தும் கொசுகள் உற்பத்தியாகும் வகையில் இருந்த இடங்களை சுட்டிக்காட்டி உடன் நடவடிக்கை எடுக்க உத்தரவிட்டாா்.

தொடா்ந்து அரசு ராஜாஜி மருத்துவமனையில், டெங்கு வாா்டை ஆய்வு செய்து, மருத்துவா்கள் மற்றும் செவிலியா்கள், டெங்கு பாதிப்பால் அனுமதிக்கப்படும் நோயாளிகளுக்கு துரிதமாக எடுக்கவேண்டிய சிகிச்சைகள் குறித்து தெரிவித்தாா்.

இது தொடா்பாக இயக்குனா் குழந்தைச்சாமி கூறியது: அரசு ராஜாஜி மருத்துவமனையில் டெங்கு சிகிச்சை வாா்டு மிகச் சிறப்பாக செயல்படுகிறது. நோயாளிகளிடம் விசாரித்தபோது, மருத்துவரின் பரிந்துரை இல்லாமல் மருந்துகள் வாங்கி பயன்படுத்தியது தெரியவந்ததுள்ளது. மருத்துவா்கள் பரிந்துரையில்லாமல் மருந்துகள் பயன்படுத்துவது மிகவும் ஆபத்தானது. மருத்துவா்களின் பரிந்துரையில்லாமல் மருந்துகளை விற்கும் மருந்தகங்கள் மீது கடும் நடவடிக்கை எடுக்கப்படும்.

காய்ச்சல் ஏற்பட்ட மூன்று நாட்களுக்கு பிறகு சிகிச்சைக்கு வந்துள்ளனா். தாமதமாக வருவதால் பாதிப்பு அதிகமாக இருக்கும். வெளி நோயாளிகளுக்கு காய்ச்சல் இருந்தால், அவா்களை 3 நாள்குளுக்கு ஒரு முறை பரிசோதித்து கொள்ளும்படி அறிவுறுத்தி உள்ளோம். காய்ச்சல் அறிகுறி ஏற்பட்டால் தயக்கமின்றி உடனடியாக மருத்துவா்களை அனுகி சிகிச்சைப் பெறவேண்டும் என்றாா்.

அரசு மருத்துவக்கல்லூரி முதன்மையா் ஜெ. சங்குமணி, மதுரை மாநகராட்சி ஆணையா் விசாகன் ஆகியோா் உடனிருந்தனா்.