வெற்றி தளபதியாக மு.க.ஸ்டாலின் திகழ்வதாக பாஜகவின் முன்னாள் எம்.பி., சி.பி.ராதாகிருஷ்ணன் தெரிவித்துள்ளார்.
முன்னாள் அமைச்சரும், திமுக உயர்நிலை செயல்திட்டக்குழு உறுப்பினருமான மு.பெ.சாமிநாதனின் இல்லத் திருமண விழா அக்கட்சியின் தலைவர் மு.க.ஸ்டாலின் தலைமையில் நடைபெற்றது. திமுக நிர்வாகிகள் மற்றும் பலர் இதில் கலந்து கொண்டனர்.
விழாவில் பேசிய பாஜகவின் முன்னாள் எம்.பி., சி.பி.ராதாகிருஷ்ணன், கருணாநிதிக்கு பின் எங்களை வீழ்த்தி வெற்றி தளபதியாக மு.க.ஸ்டாலின் திகழ்கிறார். மு.க. ஸ்டாலினிடம் கற்றுக்கொள்ள வேண்டியது அதிகம் உள்ளது.
ஸ்டாலினின் உழைப்பு எங்களை இன்னும் உழைக்க வேண்டும் என உணர்த்தியுள்ளது. கருணாநிதி போல் இன்னும் உழைக்க வேண்டியுள்ளது. இவ்வாறு அவர் கூறினார்.