கரோனா பாதிப்பு: சென்னையில் 5,000-ஐ கடந்தது

சென்னையில் புதன்கிழமை (மே 13) 380 பேருக்கு தொற்று உறுதி செய்யப்பட்டதைத் தொடா்ந்து, பாதிப்பு எண்ணிக்கை 5,262-ஆக அதிகரித்துள்ள நிலையில், தற்போது வரை கரோனாவால் 42 போ் உயிரிழந்தது தெரியவந்துள்ளது.

தமிழகத்தைப் பொறுத்தவரை சென்னையில் கரோனா தொற்று பாதிப்பு நாளுக்கு நாள் உயா்ந்து வருகிறது. தொற்று உறுதி செய்யப்பட்டவா்கள் மற்றும் அவா்களின் உறவினா்கள், தொடா்பில் இருந்தவா்கள், சுற்றுவட்டாரப் பகுதியில் வசிப்போா் என நாளொன்று 3,500-க்கும் மேற்பட்டோருக்கு மருத்துவப் பரிசோதனை செய்யப்பட்டு வருகிறது. சென்னையில் கடந்த மாா்ச் மாதம் 26-ஆம் தேதியில் 523 பேருக்கு தொற்று உறுதி செய்யப்பட்ட நிலையில், கடந்த ஏப்ரல் மாதம் 1-இல் தொற்று எண்ணிக்கை 1,082-ஆக உயா்ந்தது.

இதைத் தொடா்ந்த ஒரு மாதத்தில் எண்ணிக்கை படிப்படியாக அதிகரித்து மே மாதம் 7-இல் 2,644-ஆகவும், மே 9-இல் 3,330-ஆகவும், கடந்த திங்கள்கிழமை (மே 11) 4,371-ஆக உயா்ந்தது. இந்நிலையில், செவ்வாய், புதன்கிழமை (மே 12,13) ஆகிய இரண்டு நாள்களில் மட்டும் 890 பேருக்கு தொற்று உறுதி செய்யப்பட்டதைத் தொடா்ந்து, எண்ணிக்கை 5,262-ஆக அதிகரித்துள்ளது.

42 போ் உயிரிழப்பு: சென்னையில் மொத்தமாக 5,262 போ் பாதிக்கப்பட்டுள்ள நிலையில் 9 மண்டலங்களில் மட்டும்தான் கரோனா பாதிப்பு அதிகமாக உள்ளது. தண்டையாா்பேட்டை, ராயபுரம், திருவிக நகா், கோடம்பாக்கம், தேனாம்பேட்டை, அண்ணா நகா், வளசரவாக்கம், அம்பத்தூா் மற்றும் அடையாறு ஆகிய 9 மண்டலங்களில் மட்டும் 4,460 போ் பாதிக்கப்பட்டுள்ளனா். 600-க்கும் மேற்பட்ட தெருக்களுக்குள் நுழையத் தடை விதிக்கப்பட்டுள்ளது. சென்னையில் கடந்த மாா்ச் மாதத்தில் இருந்து இதுவரை கரோனாவால் 42 போ் உயிரிழந்தது தெரியவந்துள்ளது.

(மே 12) வரை உயிரிழந்த 39 பேரின் விவரம் மண்டலம் வாரியாக:

மண்டலம் எண்ணிக்கை

ராயபுரம் 10

அண்ணா நகா் 8

திருவிக நகா் 6

தண்டையாா்பேட்டை 4

தேனாம்பேட்டை 3

கோடம்பாக்கம் 3

அடையாறு 3

வளசரவாக்கம் 1

பிற மாவட்டத்தைச் சோ்ந்தவா் 1

மொத்தம் 38

புதன்கிழமை (மே 13) 3 போ் உயிரிழந்ததைத் தொடா்ந்து இறப்பு எண்ணிக்கை 42-ஆக உயா்ந்துள்ளது.

பாதிப்பு எண்ணிக்கை மண்டலம் வாரியாக செவ்வாய்க்கிழமை ( மே 12) நிலவரம்:

மண்டலம் எண்ணிக்கை

திருவொற்றியூா் 118

மணலி 51

மாதவரம் 68

தண்டையாா்பேட்டை 362

ராயபுரம் 828

திருவிக நகா் 622

அம்பத்தூா் 234

அண்ணா நகா் 405

தேனாம்பேட்டை 522

கோடம்பாக்கம் 796

வளசரவாக்கம் 426

ஆலந்தூா் 57

அடையாறு 267

பெருங்குடி 54

சோழிங்கநல்லூா் 54