அமைச்சர்களுடன் முதல்வர் பழனிசாமி திடீர் ஆலோசனை

சென்னை: தமிழக முதல்வர் எடப்பாடி கே பழனிசாமி தலைமைச் செயலகத்தில் உள்ள தனது அறையில் இன்று முக்கிய அமைச்சர்களுடன் ஆலோசனை நடத்தி வருகிறார்.

அமைச்சர்கள் தங்கமணி, எஸ்பி வேலுமணி, திண்டுக்கல் சீனிவாசன், சி.வி. சண்முகம், ஜெயக்குமார், ராஜேந்திர பாலாஜி, கே.பி. அன்பழகன் உள்ளிட்டோர் இந்த ஆலோசனைக் கூட்டத்தில் பங்கேற்றுள்ளனர்.

அக்டோபர் 7-ம் தேதி அதிமுகவின் முதல்வர் வேட்பாளர் யார் என்பது குறித்து அறிவிக்கப்பட உள்ள நிலையில், அமைச்சர்களுடன் இன்று முதல்வர் பழனிசாமி ஆலோசனை நடத்துவது முக்கியத்துவம் வாய்ந்ததாக உள்ளது.

துணை முதல்வர் ஓ. பன்னீர்செல்வம், கடந்த இரண்டு நாள்களாக தேனியில், தனது ஆதரவாளர்களுடன் ஆலோசனை நடத்திவிட்டு, இன்று பிற்பகலில் சென்னை வரவிருக்கும் நிலையில், தலைமைச் செயலகத்தில் இந்த ஆலோசனைக் கூட்டம் நடைபெறுகிறது.