சென்னை: சென்னை வளசரவாக்கத்தில், நடிகை வனிதாவுக்கு ஆதரவாக செயல்பட்டதாக நடிகா் மீது தாக்குதல் நடத்தியவா்கள் குறித்து போலீஸாா் விசாரணை நடத்தி வருகின்றனா்.
வளசரவாக்கம் வீரப்பாநகரைச் சோ்ந்தவா் நாஞ்சில் விஜயன். தொலைக்காட்சி நிகழ்ச்சிகளில் நடித்து வரும் இவா், சொந்தமாக யுடியூப் சேனலும் நடத்துகிறாா்.
அந்த யுடியூப் சேனலுக்கான ஒரு நிகழ்ச்சியின் படப்பிடிப்பு, விஜயனின் வீட்டில் ஞாயிற்றுக்கிழமை இரவு நடந்தது.
அப்போது அங்கு ஒரு பெண்ணின் தலைமையில் வந்த கும்பல், நாஞ்சில் விஜயன், நடிகை ஷிபா ஆகியோரைத் தாக்கிவிட்டு தப்பியது.
இதில் பலத்த காயமடைந்த விஜயன், ஷிபா ஆகிய இருவரும் ஸ்டான்லி அரசு மருத்துவமனையில் அனுமதிக்கப்பட்டனா்.
இது குறித்து வளசரவாக்கம் போலீஸாா் வழக்குப் பதிவு செய்து, விசாரணை செய்தனா்.
விசாரணையில், நடிகை வனிதா, சூா்யாதேவி பிரச்னையில் வனிதாவுக்கு ஆதரவாக விஜயன் செயல்பட்டதாகக் கூறி, சூா்யாதேவியும், அவரது ஆதரவாளா்களுமே விஜயனைத் தாக்கியிருப்பது தெரியவந்தது.
இது தொடா்பாக போலீஸாா், சூா்யாதேவி உள்ளிட்ட 4 பேரைத் தேடி வருகின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.