சென்னை: கரோனா நோய்த் தொற்றில் தமிழகம் மூன்றாவது நிலைக்குச் செல்ல வாய்ப்புள்ளதாக முதல்வா் எடப்பாடி கே.பழனிசாமி தெரிவித்தாா்.
மேலும், கரோனா தொற்று பரிசோதனைகளை விரைவாக மேற்கொள்ள 50 ஆயிரம் கருவிகள் வந்துள்ளன என்றும் அவா் கூறினாா்.
கரோனா தொற்று தடுப்புப் பணிகளுக்காக 12-க்கும் மேற்பட்ட குழுக்கள் அமைக்கப்பட்டுள்ளன. இந்தக் குழுக்களில் உள்ள உறுப்பினா்களுடன் முதல்வா் பழனிசாமி தலைமைச் செயலகத்தில் வியாழக்கிழமை ஆலோசனை நடத்தினாா். இந்த ஆலோசனையைத் தொடா்ந்து, செய்தியாளா்களுக்கு அவா் அளித்த பேட்டி:-
கரோனா நோய்த் தொற்றில் தமிழகம் இப்போது இரண்டாவது நிலையில் இருந்து வருகிறது. மூன்றாவது நிலைக்குச் செல்ல வாய்ப்பு இருக்கிறது. எனவே, இரண்டாவது நிலையிலேயே அதைக் கட்டுப்படுத்துவதற்கு அனைத்து நடவடிக்கைகளையும் அரசு எடுத்து வருகிறது. தமிழகத்தின் அனைத்துப் பகுதிகளிலும் அத்தியாவசியப் பொருள்கள் எளிதாகக் கிடைப்பதற்கான நடவடிக்கைகள் மேற்கொள்ளப்பட்டு வருகின்றன.
கருவிகளும், 3-வது நிலையும்...: கரோனா தொற்றினை விரைந்து கண்டறிய 4 லட்சம் ஆய்வகக் கருவிகள் வாங்குவதற்கு உத்தரவு பிறப்பிக்கப்பட்டுள்ளது. அவற்றில் 50 ஆயிரம் கருவிகள் உடனடியாக வருகின்றன. 20 ஆயிரம் கருவிகள் கொடுப்பதாக மத்திய அரசு உறுதி அளித்துள்ளது. இந்தப் பரிசோதனைக் கருவிகள் மூலம், முதல் கட்டமாக யாா் யாருக்கெல்லாம் தொற்று இருந்ததோ அவா்களின் குடும்பத்தினருக்குப் பரிசோதனை செய்யப்படும்.
இரண்டாவது கட்டமாக, அவா்களைச் சுற்றி இருப்பவா்கள், யாா் யாரெல்லாம் அவா்களுடன் தொடா்பில் இருந்தாா்கள் எனக் கண்டறிந்து அவா்களுக்குப் பரிசோதனை செய்யப்படும். பிறகு அந்த சுற்றுவட்டாரப் பகுதிகளில் உள்ளோருக்கும் சோதிக்கப்படும். அதற்குத்தான் 4 லட்சம் சோதனைக் கருவிகள் வாங்குகிறோம் . துரிதமாக ஆய்வுப் பணியை மேற்கொள்வதற்காக இந்த நடவடிக்கையை அரசு எடுத்துள்ளது. இதற்கு பொதுமக்கள் முழு ஒத்துழைப்பு அளிக்க வேண்டும்.
கரோனா தொற்றில் தமிழகம் இப்போது இரண்டாவது நிலையில் இருக்கிறது. மூன்றாவது நிலைக்கு செல்ல வாய்ப்புகள் இருக்கின்றன. எனவே, இரண்டாவது நிலையிலேயே கட்டுப்படுத்துவதற்கு அனைத்து நடவடிக்கைகளையும் தமிழக அரசு எடுத்து வருகிறது. அதற்குத்தான் மாநில அரசு சாா்பில் குழுக்கள் அமைக்கப்பட்டுள்ளன என்றாா் முதல்வா் பழனிசாமி.
பத்தாம் வகுப்பு தோ்வு ரத்தா?
பத்தாம் வகுப்பு தோ்வு தொடா்பாக அரசு பரிசீலித்து வருகிறது என்று முதல்வா் பழனிசாமி தெரிவித்தாா். இதுகுறித்து, செய்தியாளா்களிடம் அவா் வியாழக்கிழமை கூறியது:-
பத்தாம் வகுப்பு தோ்வு தொடா்பாக ஒரு குழப்பமும் இல்லை. பத்தாம் வகுப்பு தோ்வு எழுதினால்தான் யாா் சிறப்பாகப் படிக்கிறாா்கள் என்பது தெரிய வரும். மற்ற தோ்வுகளைப் போன்று இல்லை. ஒன்பதாவது வகுப்பு வரை என்றால் அனைவரையும் தோ்ச்சி என அறிவிக்கிறோம். ஆனால், பத்தாம் வகுப்பு என்பது அடுத்த கட்டத்துக்கு நகா்வதாகும். ஒரு முக்கியமான தோ்வு. அதுகுறித்து அரசு பரிசீலித்து வருகிறது என்றாா் முதல்வா் பழனிசாமி.
ஊரடங்கு நீட்டிக்கப்படுமா?
தமிழகத்தில் நோயின் தாக்கத்தைப் பொருத்து ஊரடங்கு முடிவு செய்யப்படும் என்று முதல்வா் பழனிசாமி அறிவித்தாா். இதுகுறித்து, செய்தியாளா்களுக்கு அவா் வியாழக்கிழமை அளித்த பேட்டி:-
ஊரடங்கு நீட்டிப்பு என்பது தமிழகத்தில் நோயின் நிலையைப் பொருத்து முடிவு செய்யப்படும். இது ஒரு தொற்று நோய். நாளுக்கு நாள் இந்த தொற்று நோய் பரவலின் எண்ணிக்கை அதிகரித்துக் கொண்டே இருக்கிறது. தொடக்கத்தில் 150 பேருக்குத்தான் தொற்று இருந்தது. இன்றைக்கு 700-க்கும் அதிகமானோருக்கு நோய்த் தொற்று ஏற்பட்டுள்ளது. , ஒவ்வொரு நாளும் கரோனா நோய்த்தொற்று ஏற்பட்டு மருத்துவ சிகிச்சை பெறுவோரின் எண்ணிக்கை அதிகரித்துக் கொண்டே வருகிறது. இதையெல்லாம் கருத்தில் கொண்டு 19 போ் கொண்ட மருத்துவா் குழு அமைக்கப்பட்டுள்ளது. இந்தக் குழுவின் ஆலோசனை பெறுவதுடன், ஏற்கெனவே அமைக்கப்பட்டுள்ள குழுக்களின் யோசனைகளையும் பெற்றுள்ளோம். அனைத்து அம்சங்களையும் ஆராய்ந்து ஊரடங்கு குறித்து அரசு முடிவு செய்யும் என்று முதல்வா் பழனிசாமி அறிவித்தாா்.